तेजस्वी यादव भाजपाकेँ आरक्षण चोर कहलनि अछि। पटनामे मीडियासँ बातचीत करैत तेजस्वी यादव कार्यकर्ता दर्शन आ संवाद कार्यक्रमक उल्लेख कयलनि। ओ कहलनि जे ओ कार्यक्रमक दौरान कार्यकर्ता आ आम लोकसँ भेंट कयलनि आ हुनकर समस्या सुनलनि। महिला महगीसँ पीड़ित छथि। एहि लेल हम घोषणा केलौं जे जहिना हमर सरकार बनत, हम ‘माई बहिन मान’ योजना शुरू करब, जाहिमे गरीब महिलाकेँ हर महीना 2500 रुपया देल जायत।
तेजस्वी यादव राज्यपालक अभिभाषण पर निशाना साधैत कहलनि जे बिहारक बजट सोमकेँ प्रस्तुत कयल जायत। राज्यपालक अभिभाषण स्पष्ट नहि छल जे ओ कोन सरकारक मामिलापर चर्चा कऽ रहल छथि। ओ पुरान बयान दोहराबैत छलाह। केंद्र सरकार बिहारक संग अनुचित व्यवहार कऽ रहल अछि। बजटमे हमर मांगकेँ प्रतिबिंबित करबाक चाही। सामाजिक सुरक्षा पेंशन ४०० रुपया अछि, जे देशमे सबसँ कम अछि। एकरा बढ़ाकेँ 1500 रुपया करए केर चाही।
महगी अपन उच्चतम स्तर पर अछि। सोमकेँ जे बजट प्रस्तुत होयत ओहिमे ई घोषणा कयल जाय जे प्रत्येक मास महिलासभकेँ २५०० रुपया भेटत। तेजस्वी यादव इहो कहलनि जे काल्हि नीतीश सरकारक अंतिम बजट अछि। हम ई सुनिश्चित करबाक प्रयास करब जे हमर माँग बजटमे शामिल होय। बिहार सरकारकें बजटमे घोषणा करय केर चाही जे गैस सिलेंडर 500 रुपयामे भेटत। जातिगत जनगणनाक बाद आर्थिक सर्वेक्षणसँ पता चलल जे ९४ लाख गरीब परिवार अछि। सरकार हुनका सभकेँ २-२ लाख टाकाक आर्थिक सहायता देबाक चाही।
बिहारक महागठबंधन सरकारमे जातिगत जनगणनाक बाद आरक्षणक दायरा बढ़ाओल गेल छल, मुदा अदालत एकरा रद्द कऽ देलक। बढ़ल आरक्षण केर नहि तऽ केंद्र सरकार संविधान केर 9म अनुसूचीमे शामिल कक्षलक आ नहि नीतीश केंद्र सरकारसँ करा सकलाह। आरक्षणक दायरा बढ़ेबाक लेल प्रस्ताव पारित होयबाक चाही। हम एकर समर्थन करब।
ओ भाजपाकेँ आरक्षण चोरक पार्टी कहलनि आ कहलनि जे जातिगत जनगणनाक आधार पर बजट प्रस्तुत कयल जेबाक चाही। तेजस्वी कहलनि कि बजट सत्रक दौरान हम बिहार सरकारकेँ बेनकाब करब। ई आँकड़ाक संग सेहो कएल जाएत। बिहार सरकार १५ सालसँ पुरान, जर्जर वाहन जकाँ अछि। जनता एकटा नव आ तेज वाहनमे सवारी करय चाहैत अछि।
पीएम मोदी चाहे कतेक बेर बिहार आबैथ, जनता चुनावमे एनडीए सरकारकेँ सबक सिखाओत।
जखन तेजस्वी यादवसँ पूछल गेल जे एनडीएमे मुख्यमंत्रीक चेहरा तय नहि भऽ रहल अछि, नीतीश फेर मुख्यमंत्री बनताह कि नहि, सरकार बनलाक बाद भाजपा एहि बातक स्पष्टीकरण नहि दऽ रहल अछि। जबाबमे ओ कहलनि जे भाजपा अपन सहयोगी दलक सङ्ग की करैत अछि से सर्वविदित अछि। 2022 मे जखनि नीतीश भाजपासँ हमरा लग अयलाह तखनि ओ कहि रहल छलाह जे भाजपा हमर पार्टी तोड़ि रहल अछि।
