पूर्णिया एयरपोर्टकेँ भेटल पैघ सौगात, ₹294 करोड़क लागतसँ बनत स्थायी सिविल एन्क्लेव
पूर्णिया। समदिया
मिथिला लेल पैघ खुशखबरी अछि। भारतीय विमानपत्तन प्राधिकरण पूर्णिया हवाई अड्डा पर स्थायी सिविल एन्क्लेवक निर्माण ले लगभग 294.05 करोड़ रुपयाक लागत वला ईपीसी निविदा जारी कय देलक अछि। एही परियोजनाकेँ पूरा होयसँ क्षेत्रमे हवाई संपर्क मजगूत होयत आ पर्यटन, व्यापार, निवेश आ रोजगारक नव अवसर सृजित होयत। एही लेल मुख्यमंत्री सम्राट चौधरी पीएम मोदीकेँ आभार व्यक्त कयलनि।
सीएम सम्राट चौधरी बतौलनि कि पिछला साल 15 सितंबर 2025 केँ प्रधानमंत्री नरेंद्र मोदी पूर्णिया हवाई अड्डाकेँ अंतरिम सिविल एन्क्लेवक उद्घाटन कय मिथिला समेत बिहारक लाखों लोककेँ हवाई संपर्कक ऐतिहासिक सौगात देने छलाह। आइ पूर्णियासँ प्रतिदिन 10 नियमित उड़ानक सफल संचालन एही परियोजनाक सफलता आ क्षेत्रमे बढ़ैत हवाई यात्राक मांगक स्पष्ट प्रमाण अछि।
आब भारतीय विमानपत्तन प्राधिकरण ने लगभग ₹294.05 करोड़क लागतसँ पूर्णिया हवाई अड्डाकेँ स्थायी सिविल एन्क्लेव केर निर्माणक लेल ईपीसी निविदा जारी कय देलक अछि। एही महत्वाकांक्षी परियोजनाक तहत अत्याधुनिक टर्मिनल भवन, आधुनिक विमानपत्तन अवसंरचना आ बाह्य विकास कार्यों केर निर्माण कयल जायत।
स्थायी सिविल एन्क्लेव केर निर्माणसँ सीमांचल क्षेत्रमे पर्यटन, व्यापार, निवेश आ रोजगारक नव अवसर सृजित होयत। संग-संग क्षेत्रीय हवाई संपर्क आ बेसी मजबूत एवं सुविधाजनक बनत। बिहार सरकार आ भारत सरकारक समन्वित प्रयाससँ विकसित बिहारक संकल्पकेँ निरंतर नव ऊर्जा भेंट रहल अछि। इ परियोजना मिथिलाक सर्वांगीण विकास आ आर्थिक प्रगतिक दिशामे एक महत्वपूर्ण मीलक पत्थर साबित होयत।
सीएम सम्राट चौधरी सोशल मीडिया प्लेटफार्म एक्स पर एही बातक जनतब देलनि। ओ लिखलनि कि आदरणीय प्रधानमंत्री श्री नरेंद्र मोदी जी केर हार्दिक आभार एवं धन्यवाद। पिछला वर्ष 15 सितंबर 2025 केँ आदरणीय प्रधानमंत्री पूर्णिया हवाई अड्डाक अंतरिम सिविल एन्क्लेवक उद्घाटन कय मिथिला सहित बिहारक लाखों लोककेँ हवाई संपर्कक ऐतिहासिक सौगात देने छलथि। आइ पूर्णियासँ प्रतिदिन 10 उड़ानक सफल संचालन एही परियोजनाक सफलता आ क्षेत्रमे बढ़ैत हवाई यात्राक मांगक स्पष्ट प्रमाण अछि।
