जिला निर्वाचन अधिकारी सह जिलाधिकारी वैभव चौधरीक अध्यक्षतामे मंगल दिन डाक मतपत्र वितरण संबंधमे समीक्षात्मक बैसार आयोजित कयल गेल। समीक्षाक दौरान सूचना देल गेल जे नोडल अधिकारी द्वारा फॉर्म 12 केर वितरण 02 अप्रैलसँ जिलामे संचालित प्रशिक्षण स्थल पर शुरु कयल गेल। जाहिमे विधानसभाक हिसाबसँ 15 अप्रैल तक प्रशिक्षण केंद्रमे नियुक्ति पत्र आ ईपीआईसी केर फोटोकॉपीक संग पूर्ण रूपसँ भरल फॉर्म-12 जमा करबाक निर्देश देल गेल अछि। जँ कोनों मतदान कार्यकर्ता प्रशिक्षण केंद्रमे निर्धारित फॉर्म जमा करयमे असमर्थ छथि। तखन संबंधित बीडीओ केल कार्यालयमे जमा करय केर अंतिम तिथि 16 अप्रैल तय कयल गेल अछि। डाक मतपत्र 17 अप्रैलकेँ संबंधित नोडल अधिकारीक कार्यालयमे जमा करनाय सुनिश्चित अछि। संगहि निर्देश देल गेल जे नोडल अधिकारी विधानसभा वार आ जिला वार सबटा फॉर्मकेँ अलग कय 20 अप्रैलकेँ रिटर्निंग अधिकारीकेँ निर्धारित फॉर्ममे रिपोर्ट उपलब्ध करा देताह। वरिष्ठ नागरिक आ दिव्यांग मतदाताक मामिलामे डाक मतपत्रसँ मतदानक लेल फॉर्म 12डी मे आवेदन छपि कय संबंधित रिटर्निंग अधिकारीकेँ उपलब्ध करा देल गेल अछि।
बैसारमे अपर कलेक्टर ज्योति कुमार सहित अन्यान्य अधिकारी उपस्थित छलाह।
