मुंबई एवं उपमहानगरमे रहनिहार मैथिल कवि एवं रचनाकारक समूह, द्वारा मुंबईमे एकटा निश्चित समयांतराल पर साहित्यिक बैसारक आयोजन कएल जाइत अछि। एहि क्रममे एहि समूह द्वारा विगत रविदिन दिनांक 29 सितम्बर 2024 केँ, विरार पश्चिम (मुम्बईउपनगर) मे बारहम मैथिली काव्य गोष्ठी एवं साहित्यिक बैसारक आयोजन हर्षपूर्ण वातावरणमे संपन्न भेल। आयोजनकर्ता आनंदमोहन झा एवं हुनक सहयोगी द्वारा ई कार्यक्रम सफलतापूर्वक संपन्न भेल। एहि साहित्यिक बैसारक अध्यक्षता प्रसिद्ध रचनाकार विभारानी कएलनि एवं समीक्षकक रूपमे प्रो कृष्णकुमार झा अन्वेषक उपस्थित छलथि। मंच सञ्चालन युवा कवि पंकज झा द्वारा कएल गेल। एहि साहित्यिक बैसारमे, नव आ पुरान, हर रचनाकार अप्पन नव रचनाक संग उपस्थित छलथि।
कार्यक्रममे सहभागी कवि एवं रचनाकारमे, संतोष खां, शारदा खां, प्रभु मिश्र, पंकज पाठक, दीपक झा, डॉ प्रतिभा झा, विनोद कुमार झा (सरकार) धर्मेंद्र कुमार झा, फूल कुमार झा, संतोष कुमार झा, धनञ्जय झा, विजय मिश्र, रामनरेश शर्मा, ज्योति शर्मा संगहि आनो आन रचनाकार प्रमुख छलथि। धन्यवाद ज्ञापन आयोजक आनंद मोहन झा द्वारा कएल गेल।
