बीओआई शाखाक प्रदेश महासचिव गणेश कुमार पाण्डेयक अध्यक्षतामे रविदिन सैदनगरमे बैंक ऑफ इंडिया मुजफ्फरपुर इकाईक बैसार भेल। एहिमे बीओआई अधिकारी संगठन बिहार इकाईक प्रदेश अध्यक्ष डॉ. अच्युतानन्द आ मुजफ्फरपुर इकाईक सीतामढ़ी, समस्तीपुर, मधुबनी, दरभंगाक बैंक अधिकारी लोकनि भाग लेलनि। एहि अवसर पर बीओआई ऑफिसर्स एसोसिएशनक महासचिव राष्ट्रीय बैंकक निजीकरणक सरकारक योजनाक विरुद्ध आवाज उठौलनि।
ओ कहलनि जे अर्थव्यवस्थामे माँगक कमीक स्थितिमे सार्वजनिक सम्पत्तिक बिक्रीसँ सम्पत्तिक मूल्यांकन प्रभावित होयत। हम निजीकरण, विनिवेश, रणनीतिक बिक्री आ नवीनतम, सार्वजनिक सम्पत्ति मुद्रीकरण आ ओकर अन्य अधिकारक पूर्ण विरोध करैत छी। बैंकमे बढ़ैत काजक दबावकेँ ध्यानमे रखैत ओ सप्ताहमे पाँच दिन बैंकिंग सेवाक बात कयलनि। संगहि नव पेंशन योजनामे खामी केर देखैत ओ पुरान पेंशन योजनाकेँ फेर सs लागू करय केर आवाज सेहो उठौलनि।
एहि अवसर पर जलज सुब्रत, चन्द्रमणि, प्रदीप कुमार, मनोज कुमार, रोशन कुमार सेहो अपन विचार रखलनि।
