प्रधानमंत्री मोदी काल्हि रविकेँ बागेश्वर धाममे कैंसर अस्पतालक शिलान्यास समारोहक लेल छतरपुर पहुँचलाह। ओतय बागेश्वर धामक मुख्य पुजारी धीरेन्द्र कृष्ण शास्त्री हुनकर स्वागत कयलनि। एतय ओ बागेश्वर धाम चिकित्सा आ विज्ञान अनुसंधान संस्थानक आधारशिला रखलनि। एहिसँ पहिने पीएम मोदी मन्दिरमे बालाजीक पूजा कयलनि।
धीरेन्द्र शास्त्री प्रधानमंत्री नरेन्द्र मोदीक प्रशंसा कयलनि। ओ कहलनि, ‘हम सभ बहुत उत्साहित छी। प्रधानमंत्री मोदी वीर, रत्न, संत आ महंतक धरती पर आयल छथि। दुनियाक सबसँ लोकप्रिय नेता अहिठाम छथि। हम अहांकेँ स्वागत करैत छी। ई एकटा अद्भुत क्षण अछि। कृतज्ञताक लेल शब्द पर्याप्त नहि अछि। एतेक धरि जे अमेरिकामे डोनाल्ड ट्रम्प सेहो कहैत छथि ‘भारतक महान प्रधानमंत्री’।
एहिसँ पहिने धीरेन्द्र शास्त्री बागेश्वर धाममे पीएम मोदीक स्वागत कयलनि। हुनका बालाजी महाराजक विग्रह आ स्मृति चिन्ह भेंट कयल गेल। एहि अवसर पर मध्य प्रदेशक मुख्यमंत्री मोहन यादव सेहो उपस्थित छलाह।
धीरेन्द्र शास्त्री कहलनि “हमरासभ लग एकटा अलग तरहक प्रधानमंत्री छथि जे गाय, गंगा आ गरीबक बात करैत छथि। ओ हृदयसँ सेवा करैत छथि। ओ सभ राम मन्दिरक युद्ध जीति चुकल छथि। जखनि हम एकटा छोट निमंत्रण देलहुं तखन ओ तुरंत स्वीकार कए लेलनि। हमरा एकटा एहेन प्रधानमंत्री भेटल अछि जे जवान आ किसानक बात करैत अछि।
धीरेन्द्र शास्त्री कहलनि जे प्रधानमंत्री मोदीक दृष्टि आ मिशन देशकेँ विकसित भारत बनेनाइ अछि। एखनि धरि अस्पतालमे मन्दिर छल, आब मन्दिरमे अस्पताल होयत। भारत तेजीसँ बढ़ि रहल अछि। विश्वामित्रक भारत विश्व मित्रक भूमिका निभा रहल अछि।
मोदी कहलनि “मध्य प्रदेशक छतरपुरमे बागेश्वर धाम चिकित्सा आ विज्ञान अनुसंधान संस्थानक आधारशिला रखैत हम बहुत प्रसन्न छी।
