असमक मुख्यमंत्री आ झारखंड भाजपाक सह-चुनाव प्रभारी हिमंता बिस्वा सरमा एकटा पैघ दावा कयलनि अछि। ओ कहलनि अछि जे २०४१ धरि असम मुस्लिम बहुल राज्य बनि जायत।
रांचीक धुर्वाक जगन्नाथ मैदानमे कार्यक्रम केर संबोधित करैत असमक मुख्यमंत्री कहलनि कि झारखंडक समक्ष बहुत रास पैघ चुनौती अछि। देशक कतेको राज्यमे घुसपैठियाक कारण जनसांख्यिकीमे बदलाव आयल अछि, आइ ओ राज्य धीरे-धीरे मुस्लिम बहुल राज्य बनबाक दिशामे आगू बढ़ि रहल अछि। दुर्भाग्यवश, असम एकटा एहेन राज्य अछि जतय मुसलमानक जनसंख्या ४० प्रतिशत अछि, जखन कि असमक वास्तविक मुसलमान मात्र ४ प्रतिशत अछि। छत्तीस प्रतिशत बांग्लादेशसँ छथि। २०४१ धरि असम सबसँ पैघ मुस्लिम बहुल राज्य बनि जायत। आइ असमक ई वास्तविकता अछि।
ओ कहलनि जे पश्चिम बङ्गालक जनसंख्याक २६ प्रतिशत मुसलमान अछि। धीरे-धीरे बंगालमे सेहो ई प्रतिशत प्रत्येक १० वर्षमे २९ प्रतिशतक गतिसँ बढ़ि रहल अछि। असम आ बंगालक अतिरिक्त बांग्लादेशी घुसपैठियाक अगिला लक्ष्य झारखंड बनल अछि।
आइ झारखण्डक कतेको जिलामे मुसलमानक जनसंख्या ३० प्रतिशत धरि पहुँचि गेल अछि।
हिमंता सरमा कहलनि जे झारखण्डमे दू मास दूर विधानसभा चुनाव अछि। झारखण्डमे हम बेसी सीट जीत कए भाजपा सरकार बनायब, इ हमर संकल्प अछि।
एहिसँ पहिने हिमंता बिस्वा सरमा राँचीक रिम्स अस्पतालमे घायल सहायक पुलिसकर्मीसँ भेंट कयलनि। अस्पतालमे भर्ती जवानसँ हुनकर स्वास्थ्यक बारेमे सेहो पूछलनि। मीडियासँ बातचीत करैत असमक मुख्यमंत्री एहि घटनाकेँ बहुत दुर्भाग्यपूर्ण बतौलनि।
