विधानसभा क्षेत्र अन्तर्गत कहरा गाममे विधायक योजनाक तहत निर्मित सीढ़ी घाटक उद्घाटन सदर विधायक एवं पूर्व मंत्री डॉ. आलोक रंजन कयलनि। ओ कहलनि जे, छठग पावनिमे पूजा करैत गामक लोककेँ समस्याक सामना करय पड़ैत छल। अतः पोखरिमे सीढ़ी घाटक निर्माणक मंजूरी देल गेल आ आई एहि पोखरिमे सीढ़ी घाटक निर्माण काजक उद्घाटन भेल अछि। इलाकाक लोकेँ देल गेल वादा पूरा कयलहूँ आ लोकक संग मिल कऽ क्षेत्रक विकास आ हुनकर समस्याक समाधान लेल काज करैत रहब।
मौका पर उपस्थित ग्रामीण सब कहलनि जे विधायक डॉ. आलोक रंजन हमर सबहक समस्याक समाधान कयलनि ताहि लेल हम सब हुनका धन्यवाद दैत छी। ओ समूचा गामक सभटा सड़कक निर्माण करबा देलखिन। जाहि कारण ग्रामीणमे खुशी व्याप्त अछि।
एहि अवसर पर भाजपा नगर अध्यक्ष भैरव झा, स्थानीय ग्रामीण उमानाथ झा, रामेश्वर झा, परमेश्वर झा, सत्यनारायण झा, हीरा झा, अरुण झा, प्रदीप झा, श्यामल झा, घनश्याम झा, धीरेन्द्र झा, अमरेन्द्र झा, अनिल झा, मणिकांत झा, रतन झा, मदन झा, डॉ. आर आर महतो, चंद्रभाल, अभिषेक राजेश झा, शेखर झा, बबन कुमार झा, जवाहर झा, श्यामल झा, अशोक झा, श्रीराम झा, विजय झा, पप्पन झा, अंजनी झा, भवानंद झा सहित अन्यान्य ग्रामीण उपस्थित छलथि।
