पीएम मोदी कहलनि जे हमसभ कहैत छी – ‘सबहक साथ, सबहक विकास’, मुदा ई लालटेन आ पंजा कहैत अछि जे पारिवारक साथ, पारिवारक विकास। पीएम मोदी कहलनि कि हुनक राजनीतिक कुल जमा निचोड़ ई अछि कि बिहारक करोड़ों परिवारकेँ अपन हित लेल अहित करवासँ नहिं चुकी।
सिवानक जसौलीमे आयोजित एगो पैघ जनसभाकेँ संबोधित करैत ओ कहलनि, “आहाँ सबकेँ पता अछी जे हम काल्हि विदेशसँ लौटलौहुँ। ओतय दुनियाक पैघ आ समृद्ध देशक नेतृत्वसँ बात भेल। दुनियाक सभ नेता भारतक तेजीसँ प्रगति लेल बहुत प्रभावित अछि। ओ भारतकेँ एगो पैघ तेसर अर्थव्यवस्था बनैत देखि रहल अछी आ एहीमे बिहार केर भूमिका पैघ रहत। अहाँ सब जंगल राज के खत्म कयलौंह।
पीएम मोदी कहलनि जे एहि ठामक युवा लोकनि 20 साल पहिने केर जंगल राजक कथा सुनैत छथि। जंगल राजक लोक कि हाल कयलक से नहि देखलथि। बिहारक लोकक आत्म-सम्मान होइत छैक। बिहार सेहो कठिन परिस्थितिमे काज करैत अछि। एहि ठामक लोक कहियो आत्म-सम्मानक संग समझौता नहि करैत छथि । मुदा पंजा आ लालटेन बिहारक आत्मसम्मानकेँ आहत कय देने छल। ई लोकनि एहेन लूट आ गरीबी बनौलनि जे गरीबी बिहारक दुर्भाग्य बनि गेल।
ओ कहलनि जे, बहुत रास चुनौती पार कए एनडीए सरकार बिहारक विकासमे वापिस अनलक अछि। बिहार विकसित भेल अछी, आ आओर विकास जारी रहत। बिहारमे एखनो बहुत किछु करबाक अछि। अहाँक लेल, गामक लेल, अहाँक घरक लेल, युवावस्थाक लेल बहुत किछु कयल गेल अछि ।
विपक्षसँ पीएम मोदी कहलनि जे बाबासाहेब अम्बेडकर सेहो एहि प्रकारक राजनीतिक खिलाफ छलथि। हालहिमे देशमे देखल गेल अछि जे कोना आरजेडी बाबासाहेबक तस्वीरक अपमान कयलक अछि। मुदा ई लोकनि कहियो माफी नहि मांगताह। कारण हुनका सभकेँ पिछड़ल, अतिपिछड़ल, दलितक प्रति कोनो आदर नहि छनि। कांग्रेस आ आरजेडी बाबासाहेबक तस्वीर लग पैर राखि दैत अछि, मुदा हम सभ हुनका हृदयमे रखने छी।
एहिसँ पहिने पीएम मोदी सिवान जिलाक जसौलीमे आयोजित एकटा कार्यक्रममे आवास, शहरी विकास, जल शक्ति, बिजली आ रेलसँ संबंधित 28 परियोजनाक नींव रखलनि। बिहार सीएम नितिश कुमार सेहो एहि अवसर पर उपस्थित छलाह।
