पश्चिम एशियामे बढ़ैत तनावक बीच एयर इंडिया मंगलदिन घोषणा कयलक कि ओ धीरे-धीरे मध्य पूर्व आ यूरोप लेल अपन उड़ान फेर शुरू कय रहल अछि, किछु क्षेत्रमे हवाई क्षेत्र केर फेरसँ खोलल गेल अछि।
एयर इंडियाक प्रवक्ता एकटा बयानमे कहलनि, मध्य पूर्व केर उड़ान आईसँ शुरू भऽ रहल अछि अर्थात २५ जूनसँ अधिकांश परिचालन सामान्य भऽ जायत। एकर संग-संग यूरोप लेल पहिल रद्द कयल गेल उड़ानकेँ सेहो आईसँ चरणबद्ध तरीकासँ बहाल कयल जा रहल अछि। अमेरिका आ कनाडाक पूर्वी तट पर जल्दसँ जल्द उड़ान शुरू भऽ जायत।
एयर इंडिया ईहो कहलक कि किछु उड़ानमे देरी भऽ सकैत अछि वा रद्द भऽ सकैत अछि, किछु रूट पर एखन विस्तारित रीरूटिंग वा लम्बा उड़ानक समय प्रभावित अछि। हालांकि एयरलाइन आश्वासन देलक अछि कि ओ यात्रीकेँ न्यूनतम असुविधा देबा लेल आ उड़ानकेँ समय सारिणीकेँ सामान्य करय लेल प्रतिबद्ध अछि। एयर इंडिया एखनो ओहि हवाई क्षेत्रसँ बचत जकरा सुरक्षाक दृष्टिकोणसँ असुरक्षित मानल गेल अछि।
ध्यान देबय वला बात अछि कि एहि उड़ानमे बाधा ईरान आ अमेरिकाक बीच बढ़ल सैन्य तनावक बाद आबि गेल छल। सोमदिन ईरान कतर आ इराकमे अमेरिकी सैन्य अड्डाकेँ निशाना बनाबैत कतेको मिसाइल फायर कयलक, जाहिमे कतर केर अल उदेद हवाई अड्डा सेहो शामिल अछि, जे अमेरिकाक एहि क्षेत्र केर सबसँ पैघ सैन्य अड्डा छल। एकटा रिपोर्टक अनुसार ई कार्यवाही रविदिनक भोर ईरान केर तीन परमाणु केंद्र नतांज, इस्फहान आ फोर्डो पर अमेरिका द्वारा हवाई हमलाक जवाबमे कयल गेल।
