‘इंडिया’ गठबंधनक नेता बिहारमे जीत लेल पूरा ताकत लगा रहल छथि। शनिदिन आयोजित पत्रकार सम्मेलनमे ‘इंडिया’ नेता कतेको मुद्दा पर भाजपाक आलोचना कयलनि।
‘इंडिया’ गठबंधनक नेता लोकनि शनिदिन राजधानी पटनामे प्रेस कॉन्फ्रेंस कयलनि। एहिमे कांग्रेस अध्यक्ष मल्लिकार्जुन खड़गे, राजद नेता मनोज झा सहित कतेको नेता सम्मलित भेलथि। एहि दौरान मल्लिकार्जुन खड़गे भाजपा पर जोरदार निशाना साधलनि। ओ कहलनि जे तीन चरणमे २८५ सीटपर मतदान भेल अछि। ३९१ सीटक लेल चुनाव १३ तारीखकेँ पूरा होएत। मोदीक शैलीमे आब ओ गर्ववाला कोनो बात नहिं अछि। केंद्र सरकारक खिलाफ जनतामे खूब गुस्सा अछि। भाजपा बेरोजगारीक मुद्दा पर फंसि गेल। ओ २० करोड़ रोजगार देबाक वादा कयलक। नहिं देल गेल। मुद्रास्फीतिक बारेमे किछु बात नहिं करत। विकासक बात नहि करत।
मल्लिकार्जुन खड़गे कहलखिन जे पीएम मोदी १० सालमे की कयलनि ? एकरा बारेमे गप्प नहि करत। किसान, युवा, मजदूर, महिला सब परेशान अछि। ई सब समस्या आइ पीएम मोदीकेँ परेशान कए रहल अछि। ओ सभ हिन्दू-मुस्लिम कऽ राजनीति करय चाहैत छथि। जनता बुझि गेल अछि जे ओ विभाजित कए रहल अछि। लोकसभ बुझि गेल छथि जे ‘हिन्दू आ मुसलमान’ व्यक्तिगत लाभ आ वोट जुटाबय लेल कऽ रहल छथि। १० सालमे ओ सभ मात्र विपक्षी नेताकेँ फँसाबैमे लागल छलाह। ईडी, सीबीआई आ आईटीसँ केस करबाबैत छथि। भाजपा एहि संस्थान सभकेँ कहैत अछि, आउ मिलि कऽ काज करी।
कांग्रेस अध्यक्ष कहलनि जे अमीर लोकक १६ लाख करोड़क कर्ज माफ कऽ देल गेल अछि। ७२ हजार करोड़ मनमोहन सिंह सरकार गरीबक कर्ज माफ कयलक। भाजपा गरीबकेँ गरीब आ अमीरकेँ अमीर राखय चाहैत अछि। भाजपाक लोक मात्र झूठ बजैत अछि। जाहि २० लाख नौकरीक लेल सरकारमे पद खाली अछि, ओकरा नहि देल गेल अछि। ओ सभ ठेका पर काज दऽ कए देश चलाबय चाहैत छथि। आरएसएसक लोकसभकेँ संयुक्त सचिवक पद पर आनल जाइत अछि।
ओ आगू कहलनि जे हम जनताकेँ बताबय चाहैत छी जे हम ‘इंडिया’ गठबंधनक लोक एकर विरुद्ध लड़ि रहल छी। हम बंगालकेँ छोड़ि सभ राज्यक दौरा केलहुं। सब जगह दिख रहल जे पीएम मोदी आगू नहिं आबए जा रहल छथि। हम हुनका रोकबाक लेल हरसंभव प्रयास कए रहल छी। हुनका हराबए लेल हमरा लग ओतेक सीट अछि।
