कांग्रेस उम्मीदवार अक्षय कांति बम इंदौर लोकसभा सीटसँ अपन नामांकन वापिस लऽ लेलनि छथि। कांग्रेस आब इन्दौरसँ चुनाव मैदानमे नहिं अछि। एहिसँ इन्दौर लोकसभा सीटपर राजनीतिक हलचल मचि गेल अछि। सोमदिन नामांकन वापिस लेबाक अंतिम दिन छल। कांग्रेसक उम्मीदवारक भाजपामे शामिल हेबाक संभावना अछि।
इन्दौरमे कांग्रेसक अक्षय कान्ति बम आ भाजपाक शंकर लालवानीक बीच मुकाबला छल, मुदा सोमदिन अक्षय चुनाव कार्यालय पहुँचलाह आ अपन नामांकन वापिस लऽ लेलनि।
भाजपाक वरिष्ठ नेता आ राज्यक मंत्री कैलाश विजयवर्गीय एक्स पर लिखलनि, “इन्दौरसँ कांग्रेसक लोकसभा उम्मीदवार अक्षय कांति बमक प्रधानमंत्री नरेन्द्र मोदी, अध्यक्ष जेपी नड्डा, मुख्यमंत्री मोहन यादव आ प्रदेश अध्यक्ष वीडी शर्माक नेतृत्वमे भाजपामे स्वागत अछि।”
बतबैत चली जे पिछला विधानसभा चुनावमे इंदौरमे कांग्रेस साफ छल। कांग्रेस इन्दौरमे कोनो सीट नहिं जित सकल छल।
एहिसँ पहिने सूरत सीट पर एहिना किछु भेल छल, जतए भाजपा उम्मीदवारकेँ निर्विरोध जीत भेटि गेल छल।
