जिला अधिकारी अरविन्द कुमार वर्मा अपन आदेशमे कहलनि अछि जे मुहर्रम पर्वक अवसर पर कानून-व्यवस्था आ साम्प्रदायिक सद्भाव लेल जिला प्रशासन द्वारा उचित कार्यवाही कयल जाइत अछि आ मजिस्ट्रेट/पुलिस अधिकारीकेँ पैघ स्तर पर तैनात कयल जाइत अछि। ताहि लेल उक्त पाबनिकेँ देखैत सभ प्रकारक छुट्टी तत्काल प्रभावसँ १४/०७/२४ सँ १८/०७/२४ धरि रद्द कऽ देल गेल अछि। ओ निर्देश देलनि जे विशेष परिस्थितिमे अनुविभागीय अधिकारीक अनुशंसाक आलोकमे अधोहस्ताक्षरी द्वारा छुट्टी स्वीकृति देल जायत।
ओ सभ अनुविभागीय अधिकारीसभकेँ निर्देश देलनि जे ई सुनिश्चित कयल जाय जे ई जानकारी हुनकर अधीनस्थ अधिकारी/पर्यवेक्षी श्रेणीक कर्मचारीकेँ देल जाय। ओ कहलनि जे नियमानुसार मुख्यालयसँ अनाधिकृत रूपसँ अनुपस्थित अधिकारी/पर्यवेक्षक श्रेणीक कर्मचारीक विरुद्ध अनुशासनात्मक कार्रवाई कयल जायत।
