दूरसंचार क्षेत्रक अग्रणी कंपनी भारती एयरटेल अपन लाखो उपयोगकर्ताकेँ पैघ झटका देलक अछि। एयरटेल शुक्रदिन ३ जुलाईकेँ मोबाइल शुल्कमे १०-२१ प्रतिशतक भारी वृद्धिक घोषणा कयलक अछि।
दूरसंचार कंपनी ५जी स्पेक्ट्रम नीलामीक तुरन्त बाद ई वृद्धि कयलक अछि। एयरटेल एकटा वक्तव्यमे कहलक जे मोबाइल शुल्कक बढ़ल दर ३ जुलाईसँ लागू होयत।
सुनील मित्तलक नेतृत्ववाला कंपनी कहलक, “हम ई सुनिश्चित कयलौंह जे बजटक चुनौती देनिहार उपभोक्ता पर कोनो तरहक बोझ नहिं पड़य, एहग लेल प्रवेश-स्तरीय योजनामे बहुत कम मूल्य वृद्धि (७० पैसा प्रति दिनसँ कम) कयल गेल अछि।”
मोबाइल टैरिफमे बढ़ोत्तरीक तहत कंपनी १७९ रुपयाक प्लानक कीमत बढ़ा के १९९ रुपया, प्लानक कीमत ४५५ रुपयासँ ५९९ रुपया आ प्लानक कीमत १,७९९ रुपया बढ़ाकेँ १,९९९ रुपया कऽ देलक अछि।
भारती एयरटेल एकटा वक्तव्यमे कहलक जे भारतमे दूरसंचार कम्पनीसभक लेल आर्थिक रूपसँ लाभदायक व्यवसाय मॉडलक लेल प्रति उपयोगकर्ता औसत राजस्व (एआरपीयू) ३०० रुपैयासँ बेसी होयबाक चाही। कंपनी कहलक, “हमर मानब अछि जे एआरपीयूक ई लेवल नेटवर्क प्रौद्योगिकी आ स्पेक्ट्रममे आवश्यक निवेशकेँ संभव करत आ पूंजी एवं मामूली रिटर्न प्रदान करत।”
टैरिफमे बढ़ोत्तरीक बाद भारती एयरटेलक शेयर भोरक कारोबारमे करीब एक प्रतिशत बढ़ि कय १४९१ टाका पर पहुंचि गेल।
