मैथिल सामाजिक मंच, इंदौर द्वारा, डॉ. आर के झाकेँ एसीपी फैलोशिप उपलब्धि हासिल करबाक हेतु सम्मानित कएल गेल। मंचक मिडिया प्रभारी नुनु झा मैथिल जानकारी पठबैत कहलनि कि, इंदौरमे रहि रहल मैथिल समाजक गौरव डॉ. राजेश कुमार झाकेँ अमेरिकाक चिकित्सकीय संस्थान “अमेरिकन कॉलेज ऑफ फिजीशियन ( एसीपी )” द्वारा फेलोशिप प्रदान कयल गेल छन्हि, आ ई विषय स्थानीय मैथिल लेल गौरवक विषय अछि। डॉ. झा “श्री अरबिंदो इंस्टिट्यूट ऑफ मेडिकल सांइसेजमे जनरल फिजिशियन डिपार्टमेंटक विभागाध्यक्ष छथि। जनतब दी जे एहि वर्ष इ फेलोशिप दुनियाभरिमे मात्र 10 गोट डॉक्टरकेँ प्रदान कायल गेल अछि। डॉ. झाकेँ अनुसार, ई विशिष्ट उपलब्धि हासिल कएनिहार ओ, मध्यप्रदेशसँ एकमात्र चिकित्सक छथि। डॉ आर के झा केर एहि उपलब्धि पर इंदौरमे रहि रहल तमाम मैथिल जनमानसक मध्य हर्षक माहौल अछि आ स्थानीय मैथिल, हुनक एहि विशिष्ट उपलब्धि पर गौरवान्वित अछि। मैथिल सामाजिक मंच इंदौरक अध्यक्ष उदय कांत ठाकुरक कुशल नेतृत्वमे मधुबनी जिला अंतर्गत टेंगराहा ग्राम निवासी डॉ. आर के झाकेँ एहि विशेष उपलब्धि पर, मैथिल सामाजिक मंच इंदौरक संरक्षक आदित्य नाथ झा केर नेतृत्वमे उपाध्यक्ष बिमलेश ठाकुर, संयुक्त सचिव विनय झा, महासचिव मुकेश झा एवं आनो आन सदस्यक उपस्थितिमे हुनका सम्मान कयल गेल।
