भोजपुरी स्टार पवन सिंहकेँ भाजपा पार्टीसँ निष्कासित कऽ देलक अछि। पार्टी द्वारा कयल गेल एहि कारवाईक बाद प्रतिक्रियाक एकटा दौर जारी अछि। एहि कड़ीमे बिहार विधानसभामे विपक्षक नेता तेजस्वी यादव सेहो प्रतिक्रिया देलनि अछि।
तेजस्वी यादव शुरूमे एहि मामिलापर टिप्पणी करबासँ परहेज कयलनि। ओ कहलनि “हमरा एहिसँ की मतलब, ई हुनकर पार्टीक मामिला अछि। हमरा लगैत अछि जे भाजपा एनडीए उम्मीदवार उपेन्द्र कुशवाहाकेँ हराबय केर साजिश कऽ रहल अछि। एहि कारणेँ पार्टी द्वारा एहि तरहक देखावटी कारवाई कयल गेल अछि।
संगहि चिराग पासवानक संबंधमे तेजस्वी यादव कहलनि कि हारिक लेल सभसँ पहिने चिराग पासवानकेँ बधाई। हमरा लग जे जानकारी आबि रहल अछि ओकर अनुसार चिराग पासवान नीक अंतरसँ हारि रहल छथि। भाजपेक लोक हुनका हरा रहल अछि। एकर अतिरिक्त, हुनका सङ्ग कतेको आर लोक अछि जे हुनका पराजित करबाक लेल लागल अछि।
पीएम मोदी पर हमला करैत ओ कहलनि जे जखनि-जखनि ओ बिहारक राजधानी पटना अबैत छथि तखनि-तखनि रातिक अन्हारमे ओ खास लोककेँ बजाबैत छथि आ नीकसँ निर्देश दैत छथि। ओ आगू कहलनि “हम जनैत छी जे कोन विशेष लोककेँ बजाओल जाइत अछि आ की निर्देश देल जाइत अछि, ई लोकसभ बहुत नीक जकाँ हारि रहल छथि।”
