जिलामे इनामी बदमाश पर दबाव बनेबाक उद्देश्यसँ पुलिस अधीक्षकक आदेशक अनुसार कनरिया ओपी आ चिरैया थानाक संयुक्त टीम साधु यादवक खिलाफ छापामारी कयलक। पुलिस अधीक्षकक कार्यालयमे जानकारी देल गेल।पुलिस अधीक्षक हिमांशु बतौलनि जे छापेमारीक दौरान कुख्यात बदमाश हवाई फायर करैत भागि गेल ।ओतहि साधूक सहयोगी सुभाष यादव पिता-बिनो यादवकेँ गिरफ्तार कयल गेल। जाहिमे एकटा एके सैतालिस, एकटा पिस्तौल, एगारह टा जिंदा कारतूस आ दू टा गोला बरामद कयल गेल अछि। ओ कहलनि एकर पुरान आपराधिक इतिहास अछि जकर तहत सिमरी बख्तियारपुर ओपी थानामे धारा 304बी दर्ज कएल गेल अछि। पुलिस अधीक्षक कहलनि जे एकटा आओर मामिलामे बिहरासँ एकटा अपराधीकेँ गिरफ्तार कएल गेल अछि। ओ कहलनि जे, बिहार थाना क्षेत्रक अंतर्गत साँझमे गश्तक दौरान गुप्त जानकारी भेटल जे अवैध हथियार लऽ कऽ पुल पर ठाढ़ अति आ संभवतः किछु आपराधिक घटना करय बला अछि। बिहार थानाक पुलिस द्वारा तत्काल कार्रवाई करैत, पुल पर घेराबंदी करैत संकेत झा पिता संजय झा लग एकटा अवैध देश निर्मित पिस्तौल बरामद भेल आ हुनका कानूनी तौर पर गिरफ्तार कऽ लेल गेल। एहि अभियानमे ओपी प्रमुख कनारिया, चिरैया थाना प्रमुख कर्मवीर सिंह, शंकर चौधरी, सशस्त्र बल कनारिया ओपी एवं चिरैया थाना, बिहरा थाना प्रमुख रोशन कुमार, सत्यप्रकाश कुमार, बिहरा थाना के रिजर्व गार्ड शामिल रहलाह।
