बिहारमे लू’ आ हीट वेवसँ सभ परेशान अछि। एहि संबंधमे लगातार परामर्श जारी कयल जा रहल अछि। बढ़ैत गरमीक कारण मधुबनी जिलाक अन्तर्गत चलि रहल सभ निजी विद्यालयक संचालनक समय बदलि देल गेल अछि। ई सब स्कूल आब भोर ११ बजे तक संचालित होएत। ई आदेश जिलाधिकारी डॉ. अरविन्द कुमार वर्मा जारी कयलनि अछि। जिलामे बढ़ैत गरमीकेँ ध्यानमे रखैत ई आदेश जारी कयल गेल अछि। ई आदेश २७ अप्रैलसँ अगिला आदेश धरि प्रभावी रहत। एहि संबंधमे डीएम शिक्षा विभागक अधिकारीकेँ निर्देश देलखिन कि ओ एहि आदेशक अनुपालन सुनिश्चित करत। पिछला किछु दिनसँ तेज रौदक संग-संग बहुत गर्मी सेहो अछि। जाहि कारणेँ गर्मीक आघातक संभावना बेसी रहैत अछि। अतः एहन स्थिति केर देखैत डीएम ई आदेश जारी कयलथि अछि। डीएमकेँ एहि आदेशक बाद छोट बच्चा आ शिक्षककेँ गर्मीसँ राहत भेटत। गर्मीसँ बचबाक लेल चिकित्सकक कहब छनि जे पानिक सेवन बढ़ेबाक चाही। जाहिसँ पेटमे ग्लूकोजक मात्रा बनल रहय। आहारमे मसालादार भोजनक बदला सामान्य भोजन आ तरलक उपयोग करबाक चाही। संगहि, यात्राक क्रममे ठंढा स्थान पर रुकबाक चाही आ यात्रा करबाक चाही। एकर संगहि डॉक्टर सभ ठंढा चीज खयबाक सलाह सेहो दऽ रहल छथि।, गर्मीक एहि वातावरणमे चिकित्सक सेहो सलाह दैत छथि जे जाबत काज नहिं होयत ताबत नहिं निकलब। पहिने निजी स्कूल भोर 9 बजेसँ दुपहरिया 2 बजे तक चलैत छल। जाहि कारणेँ माता-पिता सेहो बहुत परेशान छलाह आ समय बदलबाक माँग कऽ रहल छलाह। डीएम केर आदेशक बाद आब निजी स्कूल भोर 7 बजेसँ 11 बजे तक संचालित होएत।
