पप्पू यादव कहलनि जे जखन तेजस्वी यादव सरकारमे छलाह तखन हुनका कोशी, सीमांचल आ पूर्णियाक लोकक कतेक परवाह छलनि ? कतेक लोककेँ नौकरी देल गेल ? पाँच विभागक मंत्री छलाह आ एतय कतेक लोककेँ नौकरी देलथि ? पप्पू यादवकेँ हरदम निशाना किएक बनाओल जाइत अछि ? तेजस्वी यादव कहने छलाह जे पप्पू यादव भाजपाक बी टीमक रूपमे काज कऽ रहल छथि।
बिहारक पूर्णिया लोकसभा सीट लोकसभा चुनावमे एकटा हॉट सीट मानल जा रहल अछि। जेना-जेना चुनावक तारीख नजदीक आबि रहल अछि, वाकयुद्ध तेज भऽ रहल अछि। राजद उम्मीदवार बीमा भारती आरोप लगओलनि अछि जे पप्पू यादव मतदाता सभकेँ धमकी दऽ रहल छथि आ वोट नहिं देला पर गंभीर परिणामक धमकी दऽ रहल छथि। भारती कहलनि जे केकरो डरबाक जरूरत नहिं अछि, हुनक जीत निश्चित अछि आ सब बातें जबाब समय पर देब।
शुक्रदिन तेजस्वी यादव पप्पू यादव पर हमला करैत कहलनि जे पप्पू यादव भाजपाक बी टीमक रूपमे काज कऽ रहल छथि आ हुनक कतेको वीडियो अछि जे समाजकेँ लज्जित करैत अछि।
निर्दलीय उम्मीदवार पप्पू यादव कहलनि जे तेजस्वी यादव भाजपा या पप्पू यादवसँ लड़ि रहल छथि। एक बेर ओ भाजपाक नाम नहिं लैत छथि आ ने हुनक उम्मीदवारक उल्लेख करैत छथि। तेजस्वी यादवसँ ओ सवाल कयलनि कि जखन ओ सरकारमे छलाह तखन कोसी-सीमांचल आ पूर्णियाक लोकक कतेक परवाह करैत छलाह ? कतेक लोककेँ नियुक्ति कएल गेल ? एतय पाँच विभागक मंत्री छलाह आ कतेक लोककेँ नौकरी देल गेल।
ओ कहलनि जे तेजस्वी यादवकेँ कोसी-सीमांचल अयला पर एतय केर कतेक चिंता अछि से बताबय केर चाही ? ओ आरोप लगओलनि जे कांग्रेस आ ममता दीदी दुनू बंगालमे चुनाव लड़ि रहल छथि आ एहि तरहें देशक शेष भागमे कतेको स्थान अछि, तखन मात्र पप्पू यादवकेँ किएक निशाना बनाओल जाइत अछि ?
पप्पू यादव कहलनि जे हमर औकात नहिं अछि एतयसँ चुनाव लड़बाक। हमरा लेल एतयसँ पूर्णियाक जनता चुनाव लड़ि रहल अछि।
२६ अप्रैलकेँ मतदान होयत। एनडीए आ जदयूसँ संतोष कुशवाहा, राजद आ महागठबंधनसँ बीमा भारती चुनावी मैदानमे छथि। ओतहि पप्पू यादव निर्दलीय प्रत्याशी छथि।
