गांधीनगरसँ चुनाव लड़निहार अमित शाह एहिठामसँ अपन चुनावी शुरुआत कयने छलथि। ओ सबसँ पहिने भाजपाक वरिष्ठ नेता लालकृष्ण आडवाणीक चुनाव एजेंट बनलाह।
केन्द्रीय गृह मंत्री अमित शाह बृहस्पति (१८ अप्रैल) केँ अपन संसदीय क्षेत्र गांधीनगरमे रोड शो कयलनि। एहि दौरान अमित शाह कहलनि जे जाहि शहरक देबाल पर ओ कहियो पोस्टर लगबैत छलथि, ओतय आइ लोकक स्नेह देखि नीक लगैत अछि। ओ कांग्रेस नेता राहुल गाँधी आ प्रियंका गाँधी पर सेहो हमला कयलनि।
प्रियंका गाँधीक बयानक जवाब दैत ओ कहलनि, “जखन अहाँ किछु नहिं कऽ पाबि रहल छी तखन अहाँ ईवीएमकेँ दोष दैत छी। तेलंगाना आ हिमाचलमे जखन कांग्रेसक सरकार बनल तखन ईवीएम ठीक छल। ओतहि अमित शाह कांग्रेस नेता राहुल गांधीक आरोपक जवाब दैत कहलनि, “जखन कांग्रेसे हुनका गंभीरतासँ नहिँ लैत अछि तखन अहाँ ओकरा किएक लऽ रहल छी।”
पूरा देशमे कोनो चुनौती नहिं अछि। एहि बेर प्रधानमंत्री नरेन्द्र मोदी एक बेर फेर ४०० सँ बेसी लोकसभा सीटक संग प्रधानमंत्री बनय जा रहल छथि।
अमित शाह, जे दोसर बेर गांधीनगरसँ चुनाव लड़ि रहल छथि, गांधीनगरसँ अपन चुनाव शुरू कयलनि। दरअसल, ओ सबसँ पहिने भाजपाक वरिष्ठ नेता लालकृष्ण आडवाणीक चुनाव एजेंट बनलाह। अमित शाह २०१९ मे पहिल बेर गांधीनगरसँ जीतला पर पछिला सभ अंतर तोड़ि देने छलाह। एहि बेर भाजपा १० लाख वोटसँ जीतबाक लक्ष्य रखलक अछि।
एक दिस जतय अमित शाह देशक आन भागमे प्रचारमे व्यस्त छलाह, ओतहि दोसर दिस हुनक पत्नी गांधीनगरमे प्रचारमे व्यस्त छथि। हालक दिनमे शाहक पत्नी सोनल शाह गांधीनगर लोकसभा सीटपर घर-घर जा कऽ प्रचार कयलनि आ जनतासँ वोट माँगने छलीह। ओ भाजपाक उपलब्धिक जानकारी सेहो देलनि। एहि दौरान पार्टीक कतेको आन अधिकारी सेहो हुनका सङ्ग उपस्थित छलाह। कांग्रेस गांधीनगरसँ अमित शाहक खिलाफ सोनल पटेलकेँ मैदानमे उतारलक अछि।
