बिहार लोक सेवा आयोग (बीपीएससी) औद्योगिक प्रशिक्षण संस्थान (आईटीआई) मे ७६ वाइस प्रिंसिपल (वीपी) केर भर्तीक लेल आधिकारिक अधिसूचना जारी कयलक अछि। इच्छुक आ योग्य उम्मीदवार बीपीएससीक आधिकारिक वेबसाइट bpsc.bih.nic.in पर एहि पदक लेल आवेदन कऽ सकैत छथि। बीपीएससी एहि भर्तीक लेल आवेदन प्रक्रिया २५ मार्च सँ शुरू कयलक अछि, इच्छुक उम्मीदवार १६ अप्रैल, २०२४ तक बीपीएससी वाइस प्रिंसिपल पदक लेल ऑनलाइन आवेदन कऽ सकैत छथि। एहि भर्तीक लेल इंजीनियरिंगक डिग्री होयब बहुत जरूरी अछि।
आवश्यक योग्यता आ आयु :
बीपीएससी वाइस प्रिंसिपलक लेल उम्मीदवार लग मान्यता प्राप्त संस्थान वा विश्वविद्यालयसँ बीई, बीटेक वा बीएससी डिग्री आ एम.ई./एम.टेक/एमएस डिग्री होयबाक चाही।
उम्मीदवारक आयु १ अगस्त, २०२३ तक २२ सँ ३७ वर्षक बीच होयबाक चाही। आरक्षित श्रेणीक उम्मीदवारक लेल ऊपरी आयु सीमामे छूट लागू अछि।
ऑनलाइन आवेदनक प्रक्रिया २५ मार्च २०२४ सँ शुरू अछि।
ऑनलाइन आवेदनक अंतिम तारीख : १६ अप्रैल २०२४ तक अछि।
आवेदन शुल्क :
बीपीएससी वाइस प्रिंसिपल भर्ती २०२४ लेल जनरल कैटेगरीक उम्मीदवारकेँ ७५० टाका आवेदन शुल्क रहत, ओतहि बिहारक एससी, एसटी केँ २०० टाका आ बिहारक सभ कैटेगरीक महिला उम्मीदवारकेँ आ पीडब्ल्यूडी कैटेगरीक उम्मीदवारकेँ २०० टाका अछि। शुल्कक भुगतान ऑनलाइन मोडमे करय पड़त।
बीपीएससी वाइस प्रिंसिपल पदक लेल आवेदन एना करु :
सबसँ पहिने उम्मीदवार बीपीएससी केर आधिकारिक वेबसाइट – onlinebpsc.bihar.gov.in पर जाउ।
होमपेज पर रजिस्ट्रेशन बटन पर क्लिक करु।
पंजीकरण संख्या प्राप्त करय लेल आवश्यक विवरण भरु।
पंजीकरण संख्या आ पासवर्ड केर उपयोग कय लॉग इन करु।
निर्देश सभकेँ ध्यानसँ पढ़ू आ आवेदन फॉर्म पूरा करु।
