जिला कांग्रेस समिति द्वारा स्थानीय स्तर पर सहायक पदयात्रा रैलीक आयोजन कयल जा रहल अछि। जिला अध्यक्ष मुकेश कुमार झा कहला कि कांग्रेस नेता राहुल गांधीकेँ भारत जोडो न्याय यात्राक समर्थनमे अखिल भारतीय राष्ट्रीय कांग्रेस सदस्य एवं वरिष्ठ नेता डॉ. तारानंद सादाक नेतृत्वमे, ऐतिहासिक पैदल यात्रा १२ तारीखकेँ सहरसा नगर निगम क्षेत्रमे निकालल जायत।जिला उपाध्यक्ष कुमार हीरा प्रभाकर कहलनि जे एहि सहायक पद यात्राकेँ ऐतिहासिक बनेबाक लेल सब आवश्यक तैयारी भऽ रहल अछि। बेसीसँ बेसी लोकसँ भेंट आ जनसंपर्क सेहो होयत। संगहि कहला कि एहि पैदल यात्रामे तमिलनाडूसँ सेवानिवृत्त पुलिस महानिदेशक, पूर्व सांसद स्व० तुल मोहन रामकेँ सुपुत्र बीके रवि, बिहार प्रदेश कांग्रेस समितिक नेता, तीनू जिला कांग्रेस समितिक अध्यक्ष, जिला कांग्रेसक नेता, प्रखंड कांग्रेस समिति, महिला कांग्रेसक युवा नेता सहित आम जनता आ समस्त मोर्चा संगठन सेहो रैलीमे भाग लेताह।
