सूचनाक अधिकार अधिनियमसँ सम्बन्धित मामिलाक समीक्षा कयलनि मुख्य सूचना आयुक्त

मधुबनी समदिया

*

त्रिपुरारी शरण, राज्य मुख्य सूचना आयुक्त जिलाधिकारी आ पुलिस अधीक्षक सहित जिलाक विभिन्न विभागक वरिष्ठ अधिकारीसभक संग सूचनाक अधिकार अधिनियमसँ सम्बन्धित मामिलाक समीक्षा कयलनि।

राज्यक मुख्य सूचना आयुक्त त्रिपुरारी शरण कलेक्ट्रेटक बैठक कक्षमे जिलाधिकारी आ पुलिस अधीक्षक सहित जिलाक विभिन्न विभागक वरिष्ठ अधिकारीक संग सूचना अधिकार अधिनियमसँ सम्बन्धित मामिलाक विभागवार विस्तृत समीक्षा कयलनि, संगहि सम्बन्धित अधिकारीसभकेँ सूचनाक अधिकार अधिनियमक सम्बन्धमे विस्तृत जानकारी देलनि। ओ कहलनि जे सभ अधिकारीकेँ सूचनाक अधिकार अधिनियमक पूर्ण ज्ञान होयबाक चाही। राज्यक मुख्य सूचना आयुक्त त्रिपुरारी शरण त्रिपुरारी शरण कलेक्ट्रेटक बैठक कक्षमे जिलाधिकारी आ पुलिस अधीक्षक सहित जिलाक विभिन्न विभागक वरिष्ठ अधिकारीक संग सूचना अधिकार अधिनियमसँ जुड़ल मामिलाक विभागवार विस्तृत समीक्षा कयलनि संगहि सम्बन्धित अधिकारी सभकेँ सूचना अधिकार अधिनियमक विस्तृत जानकारी देलनि। ओ कहलनि जे सभ अधिकारीकेँ सूचनाक अधिकार अधिनियमक पूर्ण ज्ञान होयबाक चाही। ओ निर्देश देलनि जे कोविड-19 के समय प्राप्त आवेदनक एक बेर फेर समीक्षा कैल जाय। ओ शिक्षा, स्वास्थ्य, पुलिस आदि विभागक वरिष्ठ अधिकारीसभकेँ अपन-अपन जनसूचना अधिकारीक कार्यशालाक आयोजन करबाक निर्देश देलनि। समीक्षाक क्रममे राज्य सूचना आयुक्त पओलनि जे शिक्षा, राजस्व, स्वास्थ्य आदि विभागमे बेसी आवेदन प्राप्त भेल अछि, संगहि एहि विभागसभमे बेसी मामिला लम्बित अछि। समीक्षाक क्रममे जिला शिक्षा अधिकारी द्वारा कहल गेल जे जिलाक सभ विद्यालयमे लोक सूचना अधिकारी नियुक्त कयल जाइत अछि, तैयो अधिकांश आवेदन सोझे जिला शिक्षा अधिकारीक कार्यालयमे पठाओल जाइत अछि। ओ कहलनि जे प्राप्त आवेदन सम्बन्धित लोक सूचना अधिकारीकेँ पठाओल जाइत अछि, जाहिसँ सूचना देबाक प्रक्रियामे सेहो देरी होइत अछि। जिलाधिकारी अरविन्द कुमार वर्मा कहलनि जे सूचना अधिकार अधिनियमक अन्तर्गत प्राप्त विभागवार आवेदनक समीक्षा प्रत्येक सोमदिन जिला स्तर पर कयल जाइत अछि। जिला मजिस्ट्रेट अरविन्द कुमार वर्मा, पुलिस अधीक्षक सुशील कुमार, डीडीसी विशाल राज, एडीएम नरेश झा, सिविल सर्जन नरेश भीमसरिया, डीपीआरओ परिमल कुमार सहित सब अधिकारी बैसारमे उपस्थित छलाह।