भारतीय महिला हॉकी टीम एशियाडमे जीतलक स्वर्ण

नई दिल्ली । समदिया

भारतीय महिला हॉकी टीम एशियाई खेलक फाइनलमे चीनकेँ 1-0 सँ हराकऽ 44 साल बाद स्वर्ण पदक जीतलक। भारत लेल लालरेमसियामी 10म मिनटमे निर्णायक गोल कएलनि।

चीन बराबरी करबाक लेल लगातार हमला कएलक, मुदा भारतीय गोलकीपर सविता पूनिया आ डिफेंस शानदार प्रदर्शन करैत चीनक सभ प्रयास विफल कऽ देलक। अंतिम सीटी धरि भारत 1-0 सँ आगाँ रहल।

भारत 1982क बाद पहिल बेर एशियाई खेलमे महिला हॉकीक स्वर्ण जीतलक। एहि जीतक संग भारतीय टीम 2028 लॉस एंजिलिस ओलंपिक लेल सेहो क्वालिफाइ कऽ लेलक। फाइनल मैच ट्रैफिक जामक कारण करीब एक घंटा विलंबसँ शुरू भेल।