धुमधाम सॅंऽ मनोलक लोरिकायन गायक सुच्चा मैथिल उत्तिम यादवजीक पुण्य तिथि महोत्सव

दरभंगा समदिया!! बृहस्पति, 10-09-2026 कऽ दरभंगा जिलाक बहेड़ी प्रखंडक अमतामे लव कुमार यादवक आवास पर सुच्चा मैथिल द्वारा दरभंगा दुरदर्शनक लोक गायक व वीर लोरिक गाथा गायक स्व० उत्तिम यादवजीक पुण्यतिथि मनाओल गेल । जाहिमे लोरिक ट्रस्टक संस्थापक महंथ श्री रामदयाल दासजी (दिल्ली महानगर पालिका के पूर्व चेयरमैन), विकास कुमार शर्मा, यशराज यादव, लव कुमार यादव आदि लोकनि श्रद्धा सुमन अर्पित कैयलथि । माल्यार्पण महंथ श्री रामदयाल दासजी, प्रदीप कुमार पबड़ा आ विकास कुमार शर्मा कैयलथि।

विदित होय जे अमता स्वर साधनाक स्थली छी । अहि धरती केर अपन मधुर ध्रुपद गायनसॅंऽ पंडित विधुर मल्लिक आ पं० रामचतुर मल्लिक विश्वक धरातल पर अमताक नाम स्वर्ण आखर सॅंऽ लिखने छथि । आओर स्वयं अमता घराना सॅंऽ विश्व प्रसिद्धि पओने छथि ।

पूज्य पात्र स्व० उत्तिम यादवजी मिथिलाक एही पवित्र धरती पर जन्म लेलथि आ दरभंगा दुरदर्शनक माध्यमे लोरिकक नरसर (स्थानीय नाम लरसर) विजय गाथाकेँ अपना स्वरसॅंऽ देश विदेश पहूॅंचैबाक काज कैयलथि ।