उत्तरी मैसेडोनियाक समकक्ष संग राष्ट्रपति द्रौपदी मुर्मु कयलनि अहम वार्ता, द्विपक्षीय संबंधकेँ मजबूत करय पर सहमति

नई दिल्ली। समदिया।

भारतक राष्ट्रपति द्रौपदी मुर्मु उत्तरी मैसेडोनियाक राष्ट्रपति गोर्दाना सिलियानोव्स्का-दावकोवा केर संग राजधानी स्कोप्जे स्थित विला वोड्नोमे व्यापक द्विपक्षीय चर्चा कयलनि। भारतक विदेश मंत्रालय एक्स प्लेटफॉर्म पर एकर जानकारी देलक। जनतब देलक जे भारत आ उत्तरी मैसेडोनियाक बीच संबंध केँ आओर मजबूत करबाक अपन प्रतिबद्धता दोहरौलक। वार्ताक दौरान दुनू पक्ष आपसी सहयोग बढ़ाबय आ द्विपक्षीय संबंधकेँ नव गति देबाक अवसर पर विचार-विमर्श कयलक। राष्ट्रपति मुर्मुक इ मुलाकात भारत आ उत्तरी मैसेडोनियाक बीच राजनीतिक, आर्थिक आ कूटनीतिक संबंधकेँ आगू बढ़ाबय केर प्रयासक हिस्सा अछि। दुनू देश आपसी हितसँ जुड़ल क्षेत्रमे सहयोग बढ़ाबय केर इच्छा जतौलक।

राष्ट्रपति मुर्मु तीन देशक दौराक दोसर चरणमे मोल्दोवाक दौरा सफलतापूर्वक पूरा करय केर बाद भारतीय समयानुसार मंगलवारकेँ उत्तरी मैसेडोनिया पहुंचल। ओतय ओ गर्मजोशीसँ स्वागत कयल गेल।

राष्ट्रपति सचिवालय सोशल मीडिया प्लेटफार्म एक्स पर लिखलक, स्कोप्जे एयरपोर्ट पर पहुंचय पर राष्ट्रपति मुर्मुक स्वागत नॉर्थ मैसेडोनियाक विदेश मामिला आ विदेशी व्यापार मंत्री टिमचो मुकुंस्की कयलनि।

भारतक विदेश मंत्रालय एक्स पर कहलक, “इ कोनो भारतीय राष्ट्रपतिक उत्तरी मैसेडोनियाक पहिल दौरा अछि, जे दुनू देशक संबंधमे बढ़ैत गर्मजोशीकेँ देखबैत अछि। एही दौरासँ भारत-उत्तरी मैसेडोनियाक संबंध आ मजगूत होयत आ अलग-अलग क्षेत्रमे सहयोगक नव रास्ता खुजत।”

राष्ट्रपति गोरडाना सिलजानोव्स्का-दावकोवाक निमंत्रण पर राष्ट्रपति मुर्मु 22 जुलाई धरि उत्तरी मैसेडोनियामे रहतीह। राष्ट्रपति आ प्रधानमंत्रीक अलावा हुनक असेंबलीक अध्यक्षसँ भेंट कय असेंबलीकेँ संबोधित करबाक आ भारत-नॉर्थ मैसेडोनिया बिजनेस फोरममे भाषण देबाक सेहो शेड्यूल अछि।

दुनू देशक बीच कृषि, फार्मास्यूटिकल्स, विज्ञान आ तकनीक, सूचना तकनीक आ आईटी-इनेबल्ड सेवामे बेसी सहयोगक उम्मीद अछि।

दौरेक आखिरी हिस्सामे राष्ट्रपति निकुसोर डैन केर निमंत्रण पर राष्ट्रपति मुर्मु 23 सँ 25 जुलाई धरि रोमानिया पहूंचतीह। इ तीन दशकसँ बेसी समय बाद कोनो भारतीय राष्ट्रपतिक रोमानियाक पहिल दौरा होयत।