सीएम सम्राट चौधरी 2,446 अभ्यर्थीकेँ नियुक्ति पत्र देलनि
पटना। समदिया
मुख्यमंत्री सम्राट चौधरी बिहार ग्रामीण जीविकोपार्जन प्रोत्साहन समिति (जीविका) अंतर्गत विभिन्न पद पर 2446 नव चयनित अभ्यर्थीकेँ नियुक्ति पत्र देलनि। 5 अभ्यर्थीकेँ सांकेतिक रूपसँ नियुक्ति पत्र प्रदान कयलनि। पटनाके ऊर्जा स्टेडियममे कार्यक्रम का आयोजन भेल। जाहिमे दुनू उपमुख्यमंत्री आ ग्रामीण विकास मंत्रीक संग अन्य वरीय अधिकारी शामिल छलथि।
मुख्यमंत्री सभ नव चयनित उम्मीदवारकेँ शुभकामना दैत कहला जे इ नियुक्ति मात्र रोजगार सुरक्षित करबाक अवसर नहि अछि बल्कि सामाजिक सीढ़ीक एकदम निचला पायदान पर ठाढ़ हाशिया पर पड़ल परिवारक जीवनमे सकारात्मक परिवर्तन अनबाक जिम्मेदारी सेहो अछि।
मुख्यमंत्री सम्राट चौधरी कहलनि, “नव चयनित उम्मीदवारकेँ हार्दिक बधाई आ शुभकामना। आँहाँ सभ अत्यंत समर्पण, ईमानदारी आ प्रतिबद्धताक संग काज कय सकैत छि आ समाजक गरीब तबका जे अंतमे अछि, ओकरा मुख्यधारामे आनबा लेल अपन महत्वपूर्ण योगदान दियौ। जीविका महिलाक आत्मसम्मान, आत्मनिर्भरता, ग्रामीण अर्थव्यवस्थाकेँ सुदृढ़ बनाबय आ सामाजिक परिवर्तनक नव चेतनाक आंदोलन अछि।
ओ कहलनि जे महिला सशक्तिकरणक मजबूत नींव 2006मे तत्कालीन मुख्यमंत्री नीतीश कुमार द्वारा राखल गेल छल, जखन पंचायती राज संस्थान आ शहरी स्थानीय निकायमे महिला लेल 50 प्रतिशत आरक्षणक संग-संग सरकारी नौकरीमे 35 प्रतिशत आरक्षण लागू भेल छल। एहि ऐतिहासिक निर्णयसँ बिहारक महिलामे नेतृत्व, गरिमा आ आत्मविश्वास जन्म लेलक।
