रूस द्वारा पूरा यूक्रेनमे रातों-राति विनाश
नई दिल्ली। समदिया
यूक्रेन पर रूसक हमला लगातार जारी अछि। काल्हि बृहस्पतिक रातिभरि रूस यूक्रेन केर कतेको शहरमे तबाही मचा देलक। यूक्रेन केर राष्ट्रपति व्लोदिमिर जेलेंस्की विभिन्न क्षेत्रमे जानमालक नुकसानक खबरि देलनि, जाहिमे बहुत मृत आ घायल लोक शामिल अछि आ संग-संग आवासीय भवन आ नागरिक बुनियादी ढाँचाकण बेसी नुकसान पहुँचल। सोशल मीडिया प्लेटफॉर्म ‘एक्स’ पर एगो पोस्टमे राष्ट्रपति व्लोदिमिर जेलेंस्की लिखलनि, “रतिभरि रूसी मिसाइल हमलाक दौरान ओडेसा केर एगो आवासीय भवन क्षतिग्रस्त कय देल गेलै, जाहिमे दू लोकक मृत्यु भ गेल। तीन बच्चा सहित पाँच लोकक मृत्यु भ गेल। सभ घायल केर इलाज भ रहल अछि। जेलेंस्की बतौलनि कि सुमी क्षेत्र पर 15 गाइडेड एरियल बम खसेलक गेल। सुमीमे एक व्यक्ति घायल भेल अछि। कतेको रिहायशी घर आ आम नागरिकसँ जुड़ल ढांचाकेँ नुकसान पहुंचल।
ओ नोट कयलनि जे अन्य क्षेत्रमे सेहो हमला भेल अछि। जापोरिज्जिया क्षेत्रमे हवाई हमलामे दू गोटेक मृत्यु आ पांच गोटे घायल भ गेल। खार्किव क्षेत्रमे गोलाबारीमे तीन गोटे घायल भेलाह, जखन कि चेरनिहिव क्षेत्रमे एक गोटे घायल भ गेल छथि। खेरसन, डोनेट्स्क आ द्निप्रो क्षेत्र पर सेहो हमला कयल गेल। कुल मिला कय दुश्मन रातभरि यूक्रेन पर 130 सँ बेसी हमलावर ड्रोन आ आठ मिसाइलक गोलीबारी कयलक।
जेलेन्स्की सभ सरकारी संस्थान आ हमर भागीदारक संग-संग काज करय वला सभ लोक लेली यूक्रेन केर रक्षाकेँ मजबूत करय लेल अधिकतम गति आ प्रभावशीलतासँ काज करय लेल महत्वपूर्ण जरूरत पर जोर देलक। ओ कहलनि जे, नेतृत्व स्तर पर भेल निर्णय आ समझौताक जल्दीसँ जल्दी लागू करय पड़त। आइ भेटल प्रत्येक रक्षा पैकेज मात्र आंकड़ा नहिं थिक, एकरामे महत्वपूर्ण उपकरण शामिल अछि जे यूक्रेनमे सभ रोज जान बचाबयमे मदति करय अछि। हम एकरा दिशामे काज करय वला सभकेँ धन्यवाद दै छि आ यूक्रेन केर सहायता करय वला सभ भागीदार राष्ट्र केर आभारी छि।
एकर महज एक दिन पहिने बुधदिनकेँ कीव पर रूस केर मिसाइल हमलामे दू लोकक मृत्यु भ गेल छल। यूक्रेन केर राष्ट्रपति वोलोडिमिर जेलेन्स्की दावा कयलक कि रूस 13 मिसाइल प्रक्षेपित कयलक, जाहिमे आठ बैलिस्टिक मिसाइल सेहो शामिल अछि आ 151 ड्रोन तैनात कयलक। जेलेन्स्की कहलनि कि मास्को बैलिस्टिक मिसाइलक इस्तेमाल केर माध्यमसँ डर फैलाबय केर कोशिश कय रहल अछि।
