होर्मुज स्ट्रेटमे मिसाइल हमलासँ भारतीय नाविकक मृत्युक बाद भारत ईरानी राजनयिककेँ बजौलक
नई दिल्ली । समदिया
ईरान मंगलदिन होर्मुज स्ट्रेटमे क्रूज मिसाइलसँ संयुक्त अरब अमीरात केर दू टैकरकेँ निशाना बनौलक, जाहिमे एक भारतीय चालक दलक एक सदस्यक मृत्यु भ गेल आ छह भारतीय आ दू यूक्रेनी नागरिक घायल भ गेल। एही घटनाक बाद भारतक विदेश मंत्रालय डिप्टी चीफ ऑफ मिशन (डीसीएम) मोहम्मद जवाद होसैनी समेत ईरानक राजनयिककेँ बजौलक। जनतब जे ओमानक क्षेत्रीय जलमे स्थित होर्मुज जलडमरूमध्यसँ गुजरि रहल यूएई केर दू तेल टैंकर ‘मोम्बासा’ आ ‘अल बहियाह’ जखनि दक्षिणी समुद्री मार्गसँ गुजरि रहल छल, ओहि समय ईरानक दिससँ दू क्रूज मिसाइल दागल गेल। संयुक्त अरब अमीरातमे स्थित भारतीय दूतावास सोशल मीडिया प्लेटफॉर्म एक्स पर मिसाइल हमलामे भारतीय नाविकक मृत्यु पर गहरा शोक व्यक्त कियलक आ कहलक कि ओ पूरा घटनाक्रम पर लगातार नजरि बनौने अछि। हम घायल आ ओकर परिवारकेँ हरसंभव सहायता उपलब्ध कराबय लेल स्थानीय अधिकारीक संपर्कमे छी।
संयुक्त अरब अमीरातक रक्षा मंत्रालय कहलक कि हमलामे दुनू टैंकरमे आगि लगलाहसँ हुनका नुकसान सेहो भेल। आगि पर काबू पाबि लेल गेल अछि। मंत्रालय हमलाक कड़ा निंदा करैत एकरा अंतरराष्ट्रीय कानूनक गंभीर उल्लंघन बतौलक। ओ कहलक कि एही घटनासँ क्षेत्रक सुरक्षा आ स्थिरताकेँ खतरा पैदा भेल अछि।
मंत्रालयक अनुसार, यूएई केर बढ़ैत तनावक मद्देनजर उचित जवाब देबाक पूरा अधिकार अछि आ ओ अपन क्षेत्र, नागरिक, निवासी, राष्ट्रीय हित आ रणनीतिक परिसंपत्तिक सुरक्षाक लेल सभ आवश्यक कदम उठाओत।
मंत्रालय कहलक कि ओ कोनो भी संभावित खतरासँ निपटय लेल पूरा तरहेँ तैयार अछि। संगही लोकसँ केवल आधिकारिक स्रोतसँ प्राप्त जानकारी पर भरोसा करय आ अफवाह वा अपुष्ट सूचनाकेँ साझा नहि करबाक अपील कयलनि। एक अलग बयानमे यूएई केर विदेश मंत्रालय सेहो हमलाक कड़ा निंदा कएलक।
एहीसँ पहिने रविदिन यूएई केर रक्षा मंत्रालय कहने छल कि ओकर वायु रक्षा प्रणाली मिसाइल आ ड्रोनसँ उत्पन्न खतराक सामना कय रहल अछि। ओतय, बहरीनक गृह मंत्रालय लोकसँ शांत रहबाक आ निकटतम सुरक्षित स्थान पर जाय केर अपील कयलक।
