बिहारमे सड़क यात्रा आब बेसी महग, टोल वसूलीक नवक नियम मंजूर
पटना। समदिया
बिहारमे सड़क पर यात्रा आब महग भ सकैत अछि, किया कि राज्य सरकार नव पथ उपयोगकर्ता शुल्क नियमावली 2026 केँ मंजूरी द देलक अछि। एकर तहत आब राज्यक सड़क आ पुल पर टोल वसूलल जायत, संगहि फास्टैग आ मल्टी-ट्रिप पास जँका सुविधासँ भुगतान होयत।
राज्य सरकार सड़कक रखरखाव आ विकासक लेल नव सड़क उपयोगकर्ता शुल्क नियम 2026 केँ मंजूरी द देलक अछि। एकरा लागू भेलाक बाद राज्यक कतेको सड़क पर यात्रा करय वला लोककेँ टोल देबय पड़ि सकैत अछि।
सरकारक कहनाय अछि जे पिछला किछु सालमे बिहारक सड़क नेटवर्कमे तेजीसँ विस्तार भेल अछि। बहुत रास नव सड़क, पैघ पुल, मेट्रो आ अन्य सड़क परियोजनाक निर्माण भेल अछि। एहि सड़कक रखरखाव आ बेहतर सुविधा देबा लेल आब सड़क उपयोगकर्तासँ निश्चित शुल्क लेल जाएत।
नव नियमावलीक तहत सरकारी सड़क संपत्ति पर टोल वसूली लागू कयल जाएत। एहिसँ भेटय वला आमदनी सड़कक मरम्मत, रखरखाव आओर भविष्यक परियोजनामे होएत।
सरकारक कहनाय अछि जे एहि नव प्रणालीसँ छोट गाड़ीसँ ल कय पैघ व्यावसायिक वाहन धरिसँ अलग-अलग प्रकारक गाड़ीक टोल दर स्थापित कएल जाएत। समय आ लागतमे बदलावकें समायोजित करय लेल एही दरकें सालाना समीक्षा कयल जायत।
टोल वसूली प्रक्रियाकें सुव्यवस्थित करय लेल फास्टटैग आ अन्य डिजिटल भुगतान विधियककें प्राथमिकता देल जायत। बिना फास्टटैगक गाड़ीक उपयोग कयलासँ उपयोगकर्तासँ शुल्क बेसि वसूलल जायत।
नियमावलीमे ओवरलोड गाड़ीक लेल अतिरिक्त शुल्क सेहो शामिल अछि। सरकारक मानब अछि जे एहिसँ सड़क सुरक्षामे सुधार होएत आओर सड़ककेँ नुकसान पहुंचाबय वला भारी गाड़ी पर लगाम लगाओल जाएत।
नियमित आवागमन करय वला केँ राहत देबय लेल सरकार रियायती पास आओर मल्टी ट्रिप पास सेहो लागू कयलक अछि। एहि नियमक तहत जे लोक कोनो खास मार्ग पर रोजाना वा बारम्बार यात्रा करैत छथि हुनका किछु छूट भेट सकैत अछि।
किछु श्रेणीक गाड़ीकेँ टोल शुल्कसँ मुक्त करय केर प्रावधान सेहो अछि। एही लेल नियमावलीमे अलग-अलग श्रेणी स्थापित कयल जायत।
