कांग्रेस अध्यक्ष खड़गे राज्यसभा सांसदक तौर पर लेलनि शपथ

नई दिल्ली। समदिया

कांग्रेस अध्यक्ष आ राज्यसभामे विपक्षक नेता मल्लिकार्जुन खड़गे सोमदिन संसद भवनमे राज्यसभा सदस्यक शपथ लेलनि। कर्नाटकसँ पुनः संसदक उच्च सदनमे चुनल गेलाह। भारतक उपराष्ट्रपति एवं राज्यसभाक अध्यक्ष सी.पी. राधाकृष्णन, हुनका पद आ गोपनीयताक शपथ देलनि। मल्लिकार्जुन खड़गेक शपथ ग्रहणमे राज्यसभामे सदनक नेता कांग्रेस संसदीय पार्टीक अध्यक्ष सोनिया गांधी, राज्यसभाक उपाध्यक्ष जे.पी आ गणमान्य लोकनि उपस्थित छलथि।

मल्लिकार्जुन खड़गे एखन राज्यसभामे कांग्रेसक राष्ट्रीय अध्यक्ष आ विपक्षक नेताक रूपमे काज कय रहल छथि। हालमे कर्नाटकसँ निर्विरोध चुनल गेल हुनक ई नव कार्यकाल अछि, जाहि केर दौरान ओ उच्च सदनमे विपक्षक नेतृत्व करैत रहताह। सोमदिन राज्यसभा सांसदक रूपमे शपथ लेला केर बाद मल्लिकार्जुन खड़गे कहलनि जे, एक बेर फेर राज्यसभाक सदस्यक रूपमे शपथ लेला पर हुनका गौरव भेटल अछि। ओ एकरा गौरवक बात आ एकटा पैघ जिम्मेदारी बतौलनि जे विपक्षक नेताक रूपमे ओ उच्च सदनमे जनताक आवाज उठाबय केर जिम्मेदारीकेँ अत्यंत श्रद्धासँ निर्वहन करताह।

खड़गे उपाध्यक्ष एवं राज्यसभा अध्यक्ष सी.पी. राधाकृष्णन एवं उपाध्यक्ष हरिवंश जी केर सहयोगक लेल धन्यवाद देलनि। एहि अवसर पर मल्लिकार्जुन खड़गे कांग्रेस नेतृत्व खास कय सोनिया गांधी आ लोकसभामे विपक्षक नेता राहुल गांधी, कांग्रेस सांसद, पार्टी कार्यकर्ता आ समर्थककेँ सेहो धन्यवाद देलथि। ओ कहलनि जे, जनजीवन आ संसदीय सेवामे अपन पूरा लंबा यात्रामे सभक विश्वास आ समर्थन हुनक सबसँ पैघ ताकत रहल अछि।

संगहि विभिन्न राजनीतिक दल खास कय इंडि गठबंधन आ विपक्षक फ्लोर लीडरक सहयोगक लेल धन्यवाद सेहो देलनि। ओ विश्वास जतौलनि जे आगामी मानसून सत्रमे विपक्ष पहिने सँ बेसी समन्वयसँ काज करत आ सरकारकेँ जनताक समक्ष बेसी जवाबदेह बनेबाक प्रयास करत। मल्लिकार्जुन खड़गे कहलनि कि विपक्ष केर सबसँ पैघ जिम्मेदारी अछि कि ओ देशक जनताक समस्या, आकांक्षा आ आवाजकेँ संसदमे पूर्ण ईमानदारी, दृढ़ संकल्प आ प्रतिबद्धताक संग उठाबय। ओ कहलनि जे, पूर्ण श्रद्धासँ अपन जिम्मेदारीक निर्वहन करैत रहब। अपन संदेशक समापन जय बापू, जय भीम, जय संविधान, जय हिंद केर संग कयलनि।

जनतब दी जे पिछला सप्ताहक शुरुआतमे 25 जूनकेँ राज्यसभाक अध्यक्ष सी.पी. राधाकृष्णन राज्यसभाक 10 नवनिर्वाचित आ पुनर्निर्वाचित सदस्यकेँ पदक शपथ दयौलनि। विभिन्न राज्यक बहुत रास सांसद अपन मातृभाषामे शपथ लेलनि। 25 जूनकेँ राज्यसभाक सदस्यक शपथ लेनिहार सांसदमे प्रवीण चक्रवर्ती, देबाशीष सामंतराय, सना सतीश बाबू, विजय चिंतकायाला, भाष्यम राम कृष्ण, लिंगामनेनी रमेश, राजेश परमानंद शुक्ला, बैद्यनाथ राम, परिमल नथवानी आ ताई टागाक शामिल छथि।