जा धरि हम पीएम ता धरि ईरान परमाणु हथियार नहि बना पाओत : नेतन्याहू
नई दिल्ली। समदिया
अमेरिकी राष्ट्रपति डोनाल्ड ट्रम्प शुक्रदिन दावा कयलनि जे अमेरिका ईरानक संग युद्ध खत्म कय देलक ऐसी। एक वर्चुअल रैलीमे ट्रम्प अपन समर्थकसँ इ बात कहलनि। ओ इहो दावा कयलनि कि ईरान कहियो परमाणु हथियार नहि बनाओत।
ईरान ट्रम्पक एही दावाकेँ खारिज कय देलक अछि। विदेश मंत्रालयक प्रवक्ता इस्माइल बघई कहलनि कि शांति समझौता पर अखनि कोनो आखिरी फैसला नहि लेल गेल अछि।
एहीसँ पहिने ट्रम्प व्हाइट हाउसमे पत्रकारसँ कहने छलथि कि सुप्रीम लीडर मुजतबा खामेनेई नव डीलकेँ मंजूर कय लेलक अछि। ओ इहो कहलनि कि ईरानक संग शांति समझौता पर एही सप्ताह यूरोपमे साइन भ सकैत अछि। जँ सभ किछु कुछ ठीक रहल तँ उपराष्ट्रपति जेडी वेंस सेहो एहीमे शामिल हेताह।
एही बीच काल्हि इजराइली सेना लेबनानक तीन गांव सराफंद, तुफाहा आ मजरात सिनाई केर लोकसँ तुरंत इलाका खाली करबाक आदेश देलक अछि।
सेनाक प्रवक्ता अविचाय अद्राई लोकसँ जहरानी नदीक उत्तरमे जाय लेल कहलक आ चेतावनी देलक कि हिजबुल्लाह केर ठिकाना केर आसपास मौजूद रहनाइ जानलेवा भ सकैत अछि।
एही बीच नेतन्याहू कहलनि कि जा धरि हम पीएम ता धरि ईरान परमाणु हथियार नहि बना पाओत । अमेरिका आ ईरानक बीच संभावित समझौताक खबरि केर मध्य इजराइली प्रधानमंत्री दो टूक कहलनि कि हुनका रहैत ईरान परमाणु हथियार हासिल नहि कय पाओत। ओ इहो दावा कयलनि कि एही मुद्दा पर हुनक आ अमेरिकी राष्ट्रपति ट्रम्पक पूरा सहमति अछि।
इजराइली प्रधानमंत्री कहलनि कि जँ पिछला साल हुनक सरकार इ कदम नहि उठेने रहैत तँ ईरान अखनि धरि परमाणु बम बना लेने रहैत। हुनक मुताबिक इजराइल लगातार एहन प्रयास कयलक जाहिसँ ईरानक परमाणु कार्यक्रमकेँ आगू बढ़यसँ रोकल जा सकय।
