भाजपाक आपत्ति पर कांग्रेस प्रत्याशी मीनाक्षी नटराजनक नामांकन खारिज
भोपाल। समदिया
मध्य प्रदेश राज्यसभा चुनावमे कांग्रेस पार्टीकेँ बड़का झटका लागल अछि। कांग्रेस प्रत्याशी मीनाक्षी नटराजनक नामांकन रिटर्निंग ऑफिसर खारिज कय देलनि। एहिसँ राज्यसभाक तेसर सीटक चुनावी समीकरणमे बदलाव आयल अछि, जाहिसँ भाजपाक तीनू उम्मीदवार निर्विरोध चुनल जयबाक संभावना मजबूत भ गेल अछि।
भाजपा राज्यसभा चुनाव लेल कांग्रेस प्रत्याशी मीनाक्षी नटराजनक नामांकन पत्रकेँ संबंधमे आपत्ति जतौलक अछि। भाजपाक आरोप अछि कि नटराजन अपन हलफनामामे हैदराबाद केर कोर्टमे अपन खिलाफ लंबित मामिलाक विवरण नहि बतैलनि। एहि आधार पर भाजपा हुनक नामांकन अस्वीकार करबाक मांग कयलक। एकर विपरीत कांग्रेसक अनुसार अछि कि मीनाक्षी नटराजनक खिलाफ कोनो आपराधिक मामिला दर्ज नहि अछि। पार्टीक अनुसार हुनका मात्र कोर्टक नोटिस भेटल छलनि, तेँ हलफनामामे एकर जिक्र करबाक कोनो बाध्यता नहि छल।
भाजपाक प्रतिनिधित्व करय वला अधिवक्ता संकट गुप्ताक अनुसा, जे मीनाक्षी नटराजनक खिलाफ लंबित मामिलाक संबंधमे जानकारी दस्तावेजमे उपलब्ध अछि आओर ओहि मामिलामे हुनक तरफसँ जवाब दाखिल भ चुकल अछि। एकर बावजूद हलफनामामे जानकारी नहि देल गेल। ओ कहलनि कि सुप्रीम कोर्टक दिशा-निर्देशक अनुसार कोनो उम्मीदवारक लेल अपन खिलाफ लंबित मामिलाक पूरा विवरण देनाइ अनिवार्य अछि। एहि आधार पर भाजपा अपन आपत्ति जतेलक। संकट गुप्ता ईहो दावा कयलनि कि संपत्तिक संबंधमे विवरणमे विसंगति भेटल, जाहि पर भाजपा अपन आपत्तिक रूपमे शामिल कयलक।
पूर्व मुख्यमंत्री कमल नाथ केर कहनाय छनि जे भाजपा मध्य प्रदेशमे कांग्रेसक राज्यसभा सीट पर कब्जा करय लेल सभ राजनीतिक मानदंडकेँ उल्लंघन करय पर तुलल अछि। पहिल, कांग्रेस विधायक कय ल कय जा रहल एकटा फ्लाइटकेँ कथित तौर पर विस्तारित अवधि लेल टेकऑफ मंजूरीसँ मना कय देल गेल। दोसर, कांग्रेस प्रत्याशी मीनाक्षी नटराजनक नामांकन पर दुर्भावनापूर्ण आपत्ति उठल। एकर बाद भाजपा नेता विधानसभा परिसरक भीतर हंगामा मचा देलथि। ओना भाजपाकेँ ई अहसास होयबाक चहि जे कांग्रेस एहि रणनीतिसँ नहि डेराएत। कांग्रेस लोकतांत्रिक मूल्यक रक्षामे संकल्पित अछि आओर भाजपाकेँ अपन प्रयासमे अपमानजनक हारक सामना करय पड़त।
