भारत-अमेरिका व्यापार सौदा 99 प्रतिशत पूरा, शेष 1 प्रतिशत पर काज चलि रहल : सर्जियो गोर
मुंबई। समदिया
प्रस्तावित भारत-अमेरिका व्यापार समझौता 99 प्रतिशत पूरा भ गेल अछि आओर किछु शेष मुद्दाक फिलहाल समाधान भ रहल अछि। ई बयान बुधदिन भारतमे अमेरिकी राजदूत सर्जियो गोर देलनि। ओ कहलनि कि दुनू देश अंतरिम द्विपक्षीय व्यापार समझौताक अंतिम रूप दै लेल उत्सुक अछि। सिटी इंडिया 2026 सम्मेलन केर किनारामे पत्रकारसँ बात करैत गोर कहलनि कि दुनू दिस केर अधिकारी सक्रिय रूपसँ चर्चामे जुटल अछि आ समझौताकेँ पूरा करय लेल प्रतिबद्ध अछि। ओ आगू द्विपक्षीय व्यापार समझौताकेँ दूनू पक्ष लेल आपसी लाभकारी बतैलनि।
गोर पत्रकारसँ कहलनि, “हम समझौताकेँ ल कय बहुत आशावादी छि। हम 99 प्रतिशत धरि पहुंच चुकल छि आ शेष एक प्रतिशत पर काक चलि रहल अछि।”
ओ आगू कहलनि कि वार्ता अंतिम चरणमे प्रवेश करय केर संग प्रतिनिधिमंडल बुधदिन केंद्रीय वाणिज्य आ उद्योग मंत्री पीयूष गोयलसँ भेंट करय लेल दिल्ली लौटत।
ओ बतौलनि,“प्रतिनिधिमंडल वाणिज्य मंत्रालय आ विदेश मंत्रालय केर अधिकारीसँ मुलाकात कय रहल अछि आ हम काल्हि भोरमे वाणिज्य मंत्री पीयूष गोयलसँ भेंट करय लेल दिल्ली लौटब।”
गोर दुनू देशक द्विपक्षीय व्यापार वार्ताकेँ तेज गति पर कहलनि कि प्रस्तावित भारत-अमेरिका व्यापार समझौता पर बातचीत लगभग डेढ़ सालसँ चलि रहल अछि, जखनि कि यूरोपीय संघकेँ भारतक संग व्यापार समझौतामे लगभग 19 साल लागल छल। “अमेरिका आ भारत दुनू समान विचारधारा वला साझेदार अछि आ समझौताकेँ अंतिम रूप देबाक लेल प्रतिबद्ध अछि। हमर मानब अछि कि इ दुनू देशक लेल लाभकारी होयत आ हम एकर संभावनाकेँ ल कय बहुत उत्साहित छि।”
