अंदर भीषण आगि, बाहर इलेक्ट्रॉनिक लॉक, दिल्लीमे जिंदा जरल 21 लोक

नई दिल्ली। समदिया

राष्ट्रीय राजधानीक मालवीय नगर इलाकाक एकटा होटल-सह-गेस्ट हाउसमे बुधदिन भोरमे लागल भारी आगि केर बाद 21 लोकक जान चलि गेल आ कतेको गोटे घायल भ गेल। घायलमेसँ बहुतो केर हालत गंभीर बनल अछि। 40 सँ बेसी लोककेँ सफलतापूर्वक बचाउल गेल। मालवीय नगर अग्निकांडमे घायल भेल लोकमे दिल्ली पुलिसक 10 जवान सेहो शामिल अछि, जे इमारतमे सबसँ पहिने घुसल छल। काल्हि एही घटनाक दौरान बचाव आ राहत कार्यमे लागल दिल्ली पुलिसक दस जवान (पांच हेड कांस्टेबल आ पांच कांस्टेबल) घायल भ गेल। हुनक अस्पतालमे भर्ती कराओल गेल। अधिकारी बतौलनि कि अग्निकांडमे घायल पुलिसकर्मी जरैत इमारतक परिसरमे प्रवेश करय वला पहिल व्यक्ति छल। फिलहाल एम्स ट्रॉमा सेंटरमे हुनक इलाज चलि रहल अछि। एही बीच, दिल्ली पुलिस मालवीय नगर अग्निकांडमे गैर इरादतन हत्याक धारा आ भारतीय न्याय संहिता (बीएनएस) केर अन्य संबंधित धारा केर तहत मामिला दर्ज कयलक अछि, जाहिमे 21 लोकक जान चलि गेल।

सूत्रक अनुसार, होटल मालिकक पहिचान लोकेश बजाजक रूपमे भेल अछि।

एही घटनामे एक पल बर्बाद करबाक समय नहि छल आ स्थानीय लोग तुरंत मदति केर लेल आगू आयलाह। ओ खिड़की केर शीशा तोड़ि आ कंबल ल कय ओहि लोककेँ बचाबय लेल दौड़लाह जे बुधदिन दक्षिण दिल्लीक मालवीय नगरमे एक ‘बेड-एंड-ब्रेकफास्ट’ बिल्डिंगमे लागल भीषण आगिमे घिरल छल। अधिकारी बतौलनि कि एही आगिमे कमसँ कम 21 लोकक मृत्यु भ गेल, जाहिमे सँ कतेको विदेशी नागरिक छल जे होटलमे ठहरल छल।

प्रत्यक्षदर्शी सभ बतौलनि जे बहुमंजिला भवनक माध्यमसँ आगिक लपट तेजीसँ पसरल, जाहिसँ अफरा-तफरी केर मचि गेल। अपन जान बचाबय केर बेताब कोशिशमे कतेको लोक ऊपरका मंजिलसँ नीचे कूदय लेल मजबूर भ गेल। मालवीय नगरमे आगि लागल जगह लग रहय वला स्थानीय निवासी मंसूर बतबैत छथि जे कोना ओ आओर दोसर स्थानीय लोक भवन केर अंदर फंसल लोककेँ मदति करय केर कोशिश कयलनि। ओ कहलनि, “हमर घर सड़कक ठीक ओहि पार अछि, भोर 8:00 बजेक आसपास हमरा सभकेँ नीचाँसँ फोन आबय लागल जे आगि लागि गेल अछि। हम सभ बाहर कदम रखलहुँ, नीचाँ तकलहुँ आ भीतरसँ आवाज सुनलहुँ जे ‘मदद करू, हमरा सभकेँ बचाउ। बिल्डिंगक मुख्य प्रवेश द्वार पर एकटा इलेक्ट्रॉनिक गेट लागल छल जे रातिमे स्वतः लॉक भ जाइत छल। किएक तँ बिजली कटि गेल छल।” आगि लगलाक कारणे गेट पूरा जाम भ गेल छल आ नहि खुजैत छल ।

बाहर निकलबाक कोनो उपाय एकदम नहि छल। भूतल आ पहिल मंजिल पर आगि लागल छल, जाहिसँ दोसर, तेसर आ चारिम मंजिल पर रहय वला लोक पूरा तरहसँ फंसल छल। तखन हम सभ नीचाँसँ ईंट-पाथर फेकि कऽ खिड़की सभकेँ चकनाचूर कयलहुँ। दोसर मंजिलसँ दूटा भारतीय आदमी कूदि गेल, मुदा ओकरा चोट लागल। तखन हम सभ दौड़ल लेमन ग्रीन होटल गेलहुं आ लगक सभ होटलसँ गद्दा जमा कयलहुं। ओ बतौलनि जे किछु विदेशी नागरिक एहन छलाह जे चारिम मंजिलसँ भागबामे असमर्थ छलाह, हमसभ सामनेक बिल्डिंग दिस गेलहुँ आ ऊपरसँ एकटा रस्सी उतारलहुँ। एकटा स्त्री कोनो तरहेँ रस्सी पकड़ि लेलक, मुदा ओ फिसल गेलीह,  सौभाग्यवश ओ नीचाँक गद्दा पर उतरि गेलीह, ओ बचि गेलीह। अंततः जखन आगि काफी तेज भ गेल छल, एकटा महिला चारिम मंजिलसँ अपनाकेँ नीचाँ सुरक्षित उतरि गेलीह।”

शेर खान नामक एकटा निवासी कहलनि जे, शुरूमे आगि मामूली बुझाइत छल, मुदा जल्दीए पूरा भवनमे पसरि गेल। ओ बजलाह, “हम भोरे अपन दोकान दिस जा रहल छलहुँ। पहिने तँ एतय मात्र एकटा छोट सन आगि छल, मुदा फेर ओ पैघ भ गेल। जेना-जेना आगि तेज होइत गेल, बुझाइत छल जेना बचबाक कोनो उपाय नहि छल। लोक सभ जमीन पर गद्दा बिछा देलक आ किछु व्यक्ति जाहिमे एकटा छोट बच्चा सेहो छल तेसर मंजिलसँ कूदि गेल। एकटा महिला रिपोर्ट कयलक जे ओकर टांग टूटि गेल छल। लोक सभ हताश भ प्रयास कयलक।” मदति करय लेल, मुदा जेना-जेना समय बीतैत गेल, स्थिति केवल बिगड़ैत गेल।”

एकटा आओर स्थानीय निवासी ओम बतौलनि जे जहिना-जहिना आगि लागल छल, ओ देखलनि जे लोक सभ भवनसँ कूदैत छल। ओम बतौलनि, “भोर करीब 9:30 बजे हम सभ एतय भारी आगि केर गवाह बनल रहि। ओहि समय हम आ हमर मित्र स्कूटर पर बैसल रही। पूरा भवन आगिमे लिपैट गेल छल आ लोक विभिन्न दिससँ कूदि रहल छल। हम सभ देखलहुं जे करीब पांच गोटे कूदि रहल छल। एकटा व्यक्तिक टांग टूटि गेल छल। पूरा सड़क जाम भ गेल छल आओर ओतय भारी भीड़ जमा भ गेल छल।”

एकटा आओर प्रत्यक्षदर्शी संजय गोयल जे मौका पर पहुंचल पहिल लोकमे शामिल छलाह, कहलनि जे कोना भवनसँ धुआं लहराइत देखि सभ गोटे एक ठाम जमा भ गेलाह आ लोक कय बाहर निकालबामे मदति करय लगलाह। ओ कहलनि जे, “हम सभ बिल्डिंगसँ बहुत बेसी घनघोर धुँआ देखलहुं आओर बुझलहुं जे लोक भीतर फंसल अछि। भागय केर कोशिश करय वला केर मदति केर लेल निवासी कंबल आओर रजाई जमा कयलनि। हम खिड़कीकेँ तोड़ि कय बाहर निकालय केर रास्ता बना देलहुं आओर कतेको लोककेँ बचाबयमे सफल भेलहुं।”

एकटा आओर प्रत्यक्षदर्शी विजय जायसवाल बतौलनि जे करीब 8:30 बजे ओ एहि इलाकासँ गुजरैत काल मकानसँ धुआं उठैत देखलौं। ओ बयान देलनि, “जहिना धुँआ देखलियै, हम दोसरोकेँ सचेत कय देलियै आ हमर एकटा मित्र तुरंत फायर ब्रिगेडकेँ फोन कयलक।” एकटा प्रत्यक्षदर्शी कहलनि जे, एकटा महिला अपन बच्चाकेँ कोरामे ल कय भवनक तेसर मंजिलसँ कूदि गेल।

ई स्थान विदेशी अतिथिक भारी संख्यामे ठहरय लेल जानल जाइत छल। एहिमे सँ बहुतो गोटे दिल्ली चिकित्साक लेल गेल छलाह, किया कि इ इलाका पैघ अस्पतालक नजदीक अछि।

इ हादसा राजधानीकेँ झकझोरि देलक, मुदा राष्ट्रीय अपराध रिकॉर्ड ब्यूरो (एनसीआरबी) केर आंकड़ा बतबैत अछि कि इ कोनो अलग-थलग घटना नहि अछि। एनसीआरबी केर मोताबिक, वर्ष 2024मे देशभरिमे कमर्शियल बिल्डिंगमे आगि लगबाक घटनामे 249 लोक मृत्यु भेल। इ पिछला पांच वर्षमे सबसँ ज्यादा मृत्युक आंकडा अछि। 2023मे एहन घटनामे 241 लोकक जान जेल छल, जखनि कि 2022 मे इ संख्या 219 छल।