पीएम मोदी आ गृहमंत्री शाह’क उपस्थितिमे 12 मईकेँ असममे नव सरकार लेत शपथ

गुवाहाटी। समदिया

असम भाजपा अध्यक्ष दिलीप सैकिया बृहस्पतिदिन कहलनि जे, राज्यमे भाजपा नेतृत्व वला एनडीए सरकारक शपथ ग्रहण समारोह 12 मईकेँ गुवाहाटीक खानापारामे होयत। एहि समारोहमे प्रधानमंत्री नरेंद्र मोदी, केंद्रीय गृहमंत्री अमित शाह आओर एनडीएक अन्य वरिष्ठ नेता शामिल हेताह। संवाददाता सभसँ बात करैत दिलीप सैकिया कहलनि जे, खानापाराक पशु चिकित्सा महाविद्यालय मैदानमे 11:00 बजे शपथ ग्रहण समारोह शुरू होयत। एहि आयोजनमे एक लाखसँ बेसी लोकक उपस्थितिक उम्मीद अछि। ओ कहलनि जे एनडीएक नव सरकारक गठनक संबंधमे गुवाहाटी आओर पूरा असममे काफी उत्साह अछि।

सैकिया कहलनि जे, लोक बेसब्रीसँ शपथ ग्रहण समारोहक इंतजार कय रहल अछि, एहि ऐतिहासिक अवसरक गवाह बनय लेल भारी संख्यामे समर्थक आ आम नागरिक खानापारा पहुंचत।

ओ कहलनि, उम्मीद अछि प्रधानमंत्री मोदी 12 मईकेँ भोर करीब 10:15 बजे गुवाहाटीक लोकप्रिया गोपीनाथ बोर्डोलोई अंतरराष्ट्रीय हवाई अड्डा पर पहुंचताह। ओतयसँ ओ नरेंगी हेलीपैड केर माध्यमसँ आयोजन स्थल पर आगू बढ़ताह।

दिलीप सैकिया बतौलनि कि, प्रधानमंत्री आ गृहमंत्रीक अलावा भाजपा केर पूर्व राष्ट्रीय अध्यक्ष जेपी नड्डा, एनडीए शासित राज्यक कतेको केंद्रीय मंत्री, मुख्यमंत्री आ उपमुख्यमंत्री आ देशभरि केर भाजपाक वरिष्ठ नेता सेहो एही आयोजनमे शामिल हेताह।

ओ कहलनि जे, पार्टी आ राज्य सरकार एहि आयोजनक तैयारी पर लगातार नजरि राखि रहल अछि। एहि आयोजनक व्यवस्था आ अनुशासन सुनिश्चित करबाक जिम्मेदारी कतेको मंत्री, भाजपाक वरिष्ठ अधिकारी आ संगठनात्मक नेता केर सौंपल गेल अछि।

अहिना, सैकिया 10 मईकेँ भाजपा विधानमंडल पार्टी आ एनडीए विधानमंडल पार्टीक बैसार होएबाक जानकारी सेहो देलथि। एहि बैसारमे जेपी नड्डा आ हरियाणाक मुख्यमंत्री नायब सिंह सैनी सेहो शामिल हेताह।

संभावना अछि कि एही बैसारमे नव सरकार गठनसँ पहिने औपचारिक रूपसँ नव विधानमंडल पार्टी केर नेताक चुनाव भ जायत।