सीजफायरसँ तेलक दाम खसलासँ डाॅलरक मुकाबला रुपया 40 पैसा मजगूत
नई दिल्ली । समदिया
भारतीय रुपैया बुध दिन लगातार चारिम सत्रमे मजबूत भेल आ डॉलरक मुकाबले 40 पैसाक बढ़त दर्ज भेल। ई तेजी अमेरिका आ ईरानक बीच दू हफ्ताक युद्धविराम (सीजफायर) निर्णयक बाद कच्चा तेलक दाममे आयल गिरावट आ वैश्विक बाजारमे आयल राहतक कारण देखल गेल।
एहि दौरान, रुपैय 0.4 प्रतिशत मजबूत भऽ कऽ 92.61 प्रति डॉलर पर पहुँचि गेल, जे पहिलक बंद स्तर 93 सँ नीक अछि। ई उछाल तखनि आयल जखनि अमेरिकी राष्ट्रपति डोनाल्ड ट्रंप ईरानक संग अस्थायी सीजफायरक घोषणा कयलनि, जाहिसँ भू-राजनीतिक तनाव कम भेल। एहि प्रस्तावमे दू सप्ताह धरि संघर्ष रोकबाक आ होर्मुज जलडमरूमध्यकेँ तुरंत खोलबाक बात कहल गेल अछि।
ट्रंप अपन सोशल मीडिया प्लेटफॉर्म ट्रुथ सोशल पर पोस्ट कऽ कऽ एहि बातक पुष्टि कयलनि आ बतौलनि जे ओ अमेरिकी सेनाकेँ पाछू हटबाक निर्देश देने छथि, जखनिकि किछु समय पहिने ओ कठोर बयान देने छलथि।
एहि बीच, भारतीय रिजर्व बैंक (आरबीआई) रेपो रेटकेँ 5.25 प्रतिशत पर यथावत राखलक अछि। एहि बीच कच्चा तेलक दाममे सेहो भारी गिरावट आयल अछि।
ब्रेंट क्रूड लगभग 16 प्रतिशत यानी 17.39 डॉलर खसिकए 91.88 डॉलर प्रति बैरल पर पहुँचि गेल, जखनि कि यूएस डब्ल्यूटीआई क्रूड लगभग 20 प्रतिशत यानी 21.90 डॉलर टूटिकए 91.05 डॉलर पर पहुँचि गेल। सीजफायर केर घोषणा कतेको हप्तासँ चलि रहल बाजारक अनिश्चितताक बीच निवेशक सभक भरोसकेँ किछु हद तक वापस ल’ अनलक। तथापि, विश्लेषक सभक कहब अछि जे ई तेजी कतबा काल टिकत, एहि पर निर्भर करत जे सीजफायर कतबा मजबूतीसँ लागू होइत अछि आ स्ट्रेट ऑफ होर्मुजसँ ऊर्जा आपूर्ति सामान्य होइत अछि कि नहि।
विशेषज्ञ सभक अनुसार, ईरान एहि सीजफायर केर अस्थायी रूपसँ स्वीकार कयलक अछि, मुदा ओकर उल्लंघनक आशंका बनेल अछि, कारण इजरायलक हमला जारी अछि, जाहिसँ जवाबी कार्रवाई भ’ सकैत अछि। ओ सभ इहो कहलक जे वर्तमान स्तर पर रुपया आयातक लेल अनुकूल अछि, जखनि कि विदेशी निवेशक एखनो भारतीय शेयर बाजारमे बेचि रहल अछि।
एकर अलावा, मल्टी कमोडिटी एक्सचेंज (एमसीएक्स) पर सोना आ चाँदीक कीमतमे सेहो नीक तेजी देखल गेल। एमसीएक्स पर सोनाक वायदा भाव (5 जून) 3,688 रुपए यानी 2.7 प्रतिशत बढ़िकए 1,54,934 रुपए प्रति 10 ग्रामक इंट्राडे हाई तक पहुँचि गेल। ओतहि एमसीएक्स पर चांदीक वायदा भाव 6 प्रतिशतसँ अधिक कूदिकेँ 2,46,376 रुपया प्रति किलोक दिनक उच्चतम स्तर पर पहुँचि गेल।
