बिहारमे 12 जिलामे अन्हर-बिहाड़ि आ बरखा एवं ओलावृष्टिक ऑरेंज अलर्ट
पटना । समदिया
बिहारमे मौसम फेर एक बेर करवट लेवऽ जा रहल अछि। मौसम विभाग 12 जिलासभमे अन्हर-बिहाड़ि आ बरखा एवं ओलावृष्टिक लेल ऑरेंज अलर्ट जारी कऽ चुकल अछि आ प्रदेशक लोकसँ सतर्क रहबाक अपील कयलक अछि।
बिहारमे आगू 24 घंटामे मौसम फेर करवट लेवऽ वाला अछि। मौसम विभाग बुधदिन, 7 अप्रैलकेँ राज्यभरमें अन्हर, बरखा, मेघ गर्जन, बिजुली आओर ओलावृष्टिक चेतावनी जारी कयलक अछि। खास कऽ उत्तर बिहारमे मौसमक प्रभाव बेसी देखल जा सकैछ।
मौसम विभाग मुजफ्फरपुर, मोतिहारी, दरभंगा, पूर्णिया सहित राज्यक 12 जिलाक लेल ऑरेंज अलर्ट जारी कयलक अछि, जखनिकि पटना, भागलपुर आओर गया सहित अन्य जिलासभमे येलो अलर्टक घोषणा कएल गेल अछि। कोसी आओर सीमावर्ती मिथिला क्षेत्रमे कतहु-कतहु भारी बरखाक संभावना सेहो व्यक्त कएल गेल अछि।
मौसम विज्ञान केंद्र, पटना केर अनुसार, तेज आंधी आओर मेघ गर्जनसँ जनजीवन प्रभावित भऽ सकैछ। एहि दौरान हवा केर गति 50 सँ 60 किलोमीटर प्रति घंटा धरि पहुँचि सकैत अछि। संगहि कतेको इलाकामे आकाशीय बिजुली खसय केर खतरा बनल रहत आ किछु ठामपर हल्कासँ मध्यम बरखा होबए केर संभावना अछि।
उत्तर बिहार, कोसी आ सीमावर्ती मिथिलाक जाहि जिलामे विशेष चेतावनी जारी कायल गेल अछि, ताहिमे पूर्वी चंपारण, पश्चिम चंपारण, शिवहर, सीतामढ़ी, मुजफ्फरपुर, समस्तीपुर, दरभंगा, मधुबनी, सुपौल, अररिया, पूर्णिया आ किशनगंज शामिल अछि। एहि इलाकामे आंधी-बरखा संग ओलावरिष्टिक संभावना सेहो अछि। मौसम विभाग लोकसँ सावधानी बरतबाक आ किसान सभकेँ खराब मौसममे खेतमे काज नहिं करबाक सलाह देलक अछि।
पिछला 24 घंटामे पश्चिम चंपारण, मधुबनी, औरंगाबाद आ जमुई जिलामे हल्कासँ मध्यम बरखा दर्ज कयल गेल अछि। मौसम विभागक अनुसार, पूर्वी आ उत्तर-पश्चिम उत्तर प्रदेशमे सक्रिय चक्रवाती परिसंचरण आ 11 अप्रैलसँ संभावित पश्चिमी विक्षोभक कारण अगिला एक हप्ता तक मौसममे उतार-चढ़ाव बनल रहि सकैत अछि। तापमानक बात करब त’ अगिला 2-3 दिनमे रातिक तापमानमे खास बदलाव नहि होएत, मुदा दिनक तापमान 2 सँ 4 डिग्री सेल्सियस तक बढ़ि सकैत अछि। तकर बाद फेर 4 डिग्री तक गिरावट आबए केर संभावना अछि।
