ई हमर युद्ध नहि अछि: ब्रिटेन, ट्रंपसँ वापस लेलक समर्थन
नई दिल्ली। समदिया
पूरा पश्चिम एशिया क्षेत्र युद्धक आगिमे धधकि रहल अछि। इजरायल आ अमेरिका संयुक्त रूपसँ ईरानक खिलाफ प्रारंभिक हमला कयलक। एकर जवाबी कार्यवाहीमे ईरान सभ पड़ोसी शत्रुतापूर्ण राष्ट्रकेँ निशाना बनौलक। एहि बीच अमेरिकी राष्ट्रपति डोनाल्ड ट्रंप अपन सहयोगी देशसँ मदति केर अपील कयलनि। मुदा ब्रिटिश प्रधानमंत्री केयर स्टारमर ईरानक संग संघर्षमे भाग नहि लेबय केर अपन रुख पर अडिग अछि। दरअसल ब्रिटिश प्रधानमंत्री केयर स्टारमर एकटा पैघ आ दृढ़ फैसला लेलनि अछि। प्रधानमंत्री स्टारमर कहलनि कि ईरानक खिलाफ अमेरिका आ इजरायल द्वारा चलाओल जाय वला सैन्य अभियानमे ब्रिटेन शामिल नहि होयत। ओ स्पष्ट रूपसँ घोषणा कयलनि, “ई हमर सभक लड़ाई नहि अछि।” हुनक ई फैसला एहन समयमे आयल जखनि ब्रिटेन पर ओकर नाटो सहयोगी देश द्वारा एही संघर्षमे कूदय केर अपार दबाव डालल जा रहल छल। प्रधानमंत्री साफ कयलनि कि ओ राष्ट्र केर सशस्त्र बलकेँ कोनो भी आक्रामक अभियानक हिस्सा नहि बनय देत, जाहिसँ ब्रिटेनक राष्ट्रीय हित खतरामे पड़ि सकैत अछि। ब्रिटेनक दृढ़ रुखक बारेमे अमेरिकी राष्ट्रपतिक नाराजगी साफ तौर पर नजरि आबि रहल अछि। राष्ट्रपति डोनाल्ड ट्रंप कहलनि कि ब्रिटेनक सैन्य अड्डामे अप्रतिबंधित पहुँच प्रदान करयसँ मना कयलासँ ई दूनू राष्ट्रक बीच लंबा समयसँ चलय वला आ विशेष संबंधमे दरारक संकेत भेटैत अछि।
