मोदी कैबिनेट एक्साइज ड्यूटी कटौतीकेँ बतौलक जनहितकारी
नई दिल्ली । समदिया
मध्य पूर्वमे जारी संघर्षक बीच मोदी मंत्रिमंडल भारत सरकार पेट्रोल आ डीजल पर उत्पाद शुल्क (एक्साइज ड्यूटी) कम करबाक फैसलाकेँ प्रशंसा कयलक। केंद्रीय मंत्री नितिन गडकरी आ अमित शाहक संग रक्षा मंत्री राजनाथ सिंह एहि फैसलाक लेल पीएम मोदी केर आभार व्यक्त कयलनी। सोशल मीडिया प्लेटफॉर्म ‘एक्स’ पर पोस्ट करैत रक्षा मंत्री राजनाथ सिंह लिखलनि जे पश्चिम एशिया संकटक कारण बढ़ैत अंतरराष्ट्रीय कच्चा तेलक दामक बीच सरकार पेट्रोल आ डीजल पर उत्पाद शुल्क समय पर कम कय निर्णायक कदम उठेलक अछि, जाहिसँ नागरिककेँ बहुत जरूरी राहत भेटैत अछि। एहन समयमे जखनि बहुत रास राष्ट्र ईंधन केर दाम बढ़ाबय लेल मजबूर अछि, ई कदम हमर सरकारक सक्रिय दृष्टिकोण आ जन कल्याणक प्रति ओकर अटूट प्रतिबद्धताकेँ दर्शाबैटी अछि। हुनक नेतृत्वक परिभाषा नागरिक केंद्रित दृष्टिकोण आ जनताक भलाई केर प्रति अटल समर्पणसँ कयल जायटी अछि। ‘एक्स’ पर एगो पोस्टमे केंद्रीय मंत्री नितिन गडकरी लिखलनि कि पश्चिम एशियामे जारी ईंधन संकटक बीच वैश्विक ऊर्जाक दाम बढ़ि गेल अछि, भारत सरकार पेट्रोल आ डीजल पर उत्पाद शुल्कमे कमी कय समय पर आ नागरिक केंद्रित कदम उठैलक। एक दिस जतय बहुत देश लगातार ईंधनक दाम बढ़ाबैत अछि, ओतय प्रधानमंत्री मोदीक नेतृत्वमे कयल गेल ई फैसला जन कल्याणक प्रति दृढ़ प्रतिबद्धताकेँ दर्शाबैत अछि। ई नहि सिर्फ परिवार आ व्यवसायकेँ राहत दैत अछि बल्कि एगो उत्तरदायी शासन प्रणालीकेँ सेहो प्रदर्शित करैत अछि, जकर उद्देश्य नागरिककेँ वैश्विक आर्थिक झटकासँ बचेनाई अछि। केंद्रीय मंत्री अमित शाह ‘एक्स’ पर एगो पोस्टमे कहलनि कि पश्चिम एशिया केर संकटक बीच पूरा दुनियामे ईंधनक कमी तबाही मचा रहल अछि, जाहि केर चलतें अंतरराष्ट्रीय स्तर पर दाम आसमान छूबैत अछि। एहन परिदृश्यमे मोदी सरकारक ईंधन पर उत्पाद शुल्क कम करबाक फैसलासँ नागरिककेँ बहुत जरूरी राहत भेटल अछि। जतय बहुत रास राष्ट्र डीजल आ पेट्रोलक दाम बढ़ा देलक, ओतय मोदी सरकार केर उत्पाद शुल्कमे कटौती करय केर फैसला ओकर नागरिक केंद्रित शासन आ संवेदनशीलता आ प्रतिक्रियाशीलता केर विशेषता वला निर्णय प्रक्रियाकेँ दर्शाबैत अछि। एहि निर्णय पर पीएम मोदीकेँ बधाई। भाजपा केर राष्ट्रीय अध्यक्ष नितिन नवीन एक एक्स पोस्टमे लिखलनि कि, जखनि पश्चिम एशिया संकट केर प्रभावक कारणसँ दुनियाकेँ चुनौतीक सामना करय पड़ि रहल अछि, एही समय केंद्र सरकार पीएम मोदीक नेतृत्वमे घरेलू खपत लेल पेट्रोल आ डीजल पर केंद्रीय उत्पाद शुल्कमे ₹१० प्रति लीटरक कमी कय देलक अछि, जाहिसँ भारतीय नागरिककेँ बढ़ैत दामसँ बचाओल गेल अछि। हम प्रधानमंत्री नरेन्द्र मोदीक प्रति आभार व्यक्त करैत छी जे सदिखन जनताक संग दृढ़तापूर्वक ठाढ़ रहैत छथि। एहि चुनौतीपूर्ण समयमे सरकार सभ नागरिकक संग ठाढ़ अछि, इ सुनिश्चित करैत अछि जे एहि कठिन समयक बोझ कोनो परिवारकेँ असगर नहि उठाबय पड़य।
