प्रधानमंत्री नरेन्द्र मोदीक नव कीर्तिमान, मुख्यमंत्री देलनि बधाई

नई दिल्ली। समदिया

प्रधानमंत्री नरेंद्र मोदीकेँ स्वतंत्र भारतक इतिहासमे सबसँ बेसी समय धरि सरकारक प्रमुखक रूपमे काज करय केर नव रिकार्ड कायम करय लेल देशभरिसँ बधाई संदेश भेटल अछि। एहि अवसर पर भाजपा शासित राज्यक मुख्यमंत्री सेहो हुनका बधाई आ शुभकामना देलनि अछि। एम्हर भाजपा अध्यक्ष नितिन नबिन केर कहनाय छनि जे प्रधानमंत्री नरेंद्र मोदी केँ 8,931 दिनक सार्वजनिक जीवन सिर्फ राजनीतिक यात्रा नहिं, बल्कि लगातार तपस्या, बलिदान आ राष्ट्रक सेवाक सशक्त गवाही अछि। रविदिन दिल्ली केर मुख्यमंत्री रेखा गुप्ता प्रधानमंत्री मोदीकेँ एही अभूतपूर्व उपलब्धि पर बधाई दैत ओ कहलनि कि हमर मंगलकामना अछि कि आँहाँक सक्षम मार्गदर्शनमे हम एगो ‘विकसित भारत’ केर संकल्प दिस लगातार बढ़ैत रहब। ओ सोशल मीडिया प्लेटफॉर्म ‘एक्स’ पर पोस्ट कयलनि जे, “प्रधानमंत्री नरेंद्र मोदी सरकारक प्रमुखक रूपमे सबसँ बेसी लंबा कार्यकालक ऐतिहासिक गौरव हासिल कयने छथि। ई रिकॉर्ड हुनक अटूट कर्तव्यबोध आ जनताक आकांक्षा केर पूरा करय लेल हुनक पूर्ण समर्पणक प्रतीक अछि। गुजरातक मुख्यमंत्रीके रूपमे अपन कार्यकालमे विकासक नव परिभाषासँ ल कय भारत देशक प्रधानमंत्रीक रूपमे वैश्विक मंच पर नव ऊंचाई पर पहुंचाबय धरि, हुनक ई अविराम यात्रा ‘अंत्योदय’ आ ‘राष्ट्र प्रथम’ केर प्रतिज्ञाकेँ साकार होय केर प्रतिनिधित्व करैत अछि।” ओ आगू लिखलनि, “लाखों नागरिकक लगातार माननीय प्रधानमंत्री केर गतिशील नेतृत्वक संग-संग हुनक दूरदर्शी आ साहसिक निर्णय पर सेहो अटूट विश्वास टिकल अछि। दशकोंसँ चलय वला निस्वार्थ सेवाक ई दौर जाहिमे धैर्य, जन कल्याण आ जनजीवनमे सुशासनक विशेषता अछि, हमरा सभ लेल प्रेरणाक स्रोतक रूपमे काज करैत अछि।” राजस्थानक मुख्यमंत्री भजन लाल शर्मा लिखलनि, “दुनियाक सबसँ लोकप्रिय जननेता आ एक ‘विकसित भारतक’ पाछू केर दूरदर्शी-प्रधानमंत्री नरेंद्र मोदीकेँ देशक इतिहासमे सबसँ बेसी समयसँ सरकारक प्रमुख बनला केर ऐतिहासिक मीलक पत्थर हासिल करय पर हार्दिक बधाई। आँहाँक ई अविराम यात्रा प्रतिज्ञाक प्रति आँहाँक अटूट समर्पणक सच्चा प्रतिबिंब अछि ‘राष्ट्र प्रथम’ केर आ एक ‘विकसित भारतक’ सपना साकार करय लेल। आँहाँक गतिशील नेतृत्वमे राष्ट्र विकासक नव ऊंचाई पर चढ़ि रहला अछि, ‘अंत्योदय’ सँ ‘सर्वोदय’ (सार्वभौमिक उत्थान) केर रास्ता पार कय रहल अछि।” ‘एक्स’ पर एकटा पोस्ट मे मुख्यमंत्री भजन लाल कहलनि जे, “भगवान श्री राम केर आशीर्वादसँ अहाँक यशस्वी नेतृत्व राष्ट्र लेल वरदान साबित भ रहल अछि। अहाँक मार्गदर्शनमे हमर राष्ट्र गौरवक नव-नव गाथाक पटकथा बना रहल अछि। हमर प्रार्थना अछि जे निस्वार्थ सेवामे अहाँक ई समर्पण अविराम जारी रहय।” एहिना अन्य राज्यसँ सेहो प्रधानमंत्रीकेँ शुभकामना देल गेल अछि।