प्रसिद्ध मैथिली साहित्यकार गंगेश गुंजनकेँ “मैसाम सम्मान 2026” लेल चयन
दिल्ली समदिया!! प्रसिद्ध मैथिली साहित्यकार गंगेश गुंजनकेँ “मैसाम सम्मान 2026” सँ सम्मानित करबाक चयन कएल गेल अछि। ई सम्मान मैथिली साहित्य महासभा (मैसाम) द्वारा प्रदान कएल जायत।
मैसाम केर महासचिव सीए आशीष नीरज आ अरुण कुमार मिश्र जानकारी देलनि जे ई निर्णय मैसाम 2026–28 केर पहिल कार्यकारिणी बैसारमे लेल गेल। ई बैसार 18 जनवरी 2026 केँ राष्ट्रीय सेवा समितिक सभागार, दिल्लीमे आयोजित भेल छल। एहि बैसारमे हेमंत झा, सूर्य नारायण यादव, निवेदिता मिश्र झा, अरुण कुमार मिश्र, आशीष नीरज, राहुल झा वत्स, आनंद दास, कविता पाठक झा, संजय झा, सरोज झा, राहुल झा, प्रेम चौधरी, संजीव सिन्हा, पवन ठाकुर, उज्ज्वल कुमार झा आ अखिलेश मिश्र उपस्थित छलाह।
मैसामक अध्यक्ष हेमन्त झा कहलनि जे डा. गंगेश गुंजन अपन उत्कृष्ट साहित्यिक योगदान, मैथिली भाषा केर प्रचार–प्रसार आ पीढ़ी दर पीढ़ी साहित्यिक चेतना जागृत करयमे महत्वपूर्ण भूमिका निभौने छथि। हुनकर लेखनी मैथिली समाजकेँ नव दिशा द’ रहल अछि।
मैसाम परिवार एहि सम्मानक मादे हुनकर योगदानक सम्मान करैत हर्षक अनुभूति क’ रहल अछि आ आशान्वित अछि जे ई सम्मान मैथिली साहित्यकेँ आओर समृद्ध बनाओत। ई सम्मान 21 फरवरी 2026 केँ अन्तरराष्ट्रीय मातृभाषा दिवस केर उपलक्ष्य आ संस्थाक ग्यारहम वार्षिकोत्सवमे , दिल्लीमे एक गोट भव्य आयोजनमे देल जायत। एहि सम्मानमे संस्था दिसिसँ ₹ 31,000/- आ प्रशस्ति पत्र देल जाइत अछि।
समाद : सीए आशीष नीरज , महासचिव
मैथिली साहित्य महासभा (मैसाम