भारतक हर नागरिकक लड़ाई लड़ि रहलाह राहुल गांधी : डॉ शकील अहमद

मधुबनी समदिया

मधुबनी जिलाक कांग्रेसक पूर्व जिलाध्यक्ष शीतलांबर झा प्रेस विज्ञप्तिक माध्यमसँ जानकारी देलनि अछि कि – :

‘राहुल गांधी एहि देशक हर नागरिकक अधिकारक लड़ाई लड़ि रहल छथि।’ ई बात काल्हि २४ अगस्त, रविकेँ ‘वोटर अधिकार यात्रा पर’ भेल मधूबनीमे आयोजित एकटा प्रेस कॉन्फ्रेंसमे भारत सरकारक पूर्व गृह एवं दूर संचार राज्य मंत्री डाॅ शकील अहमद कहलनि।

कांग्रेस प्रतिनिधि द्वारा जारी प्रेस विज्ञप्तिक अनुसार मोदी सरकार आ भारतीय चुनाव आयोगक साठ-गाँठसँ वोटर लिस्टमे गड़बड़ी क‌ऽ वोट चोरीकेँ रोकय आ ओहिमे सुधारक लेल लेल देशक नेता प्रतिपक्ष राहुल गांधी आ बिहारक नेता प्रतिपक्ष तेजस्वी यादव एवं गठबंधनक अन्य नेता सभक ई यात्रा ऐतिहासिक महत्वक अछि। जनताकेँ वोटक अधिकारे ओकर सबसँ पैघ सम्मान आ शक्ति अछि, मुदा मोदी साकार एवं चुनाव आयोग मिलि कय कतौह वोट बढ़ा कऽ तऽ कतौह वोट घटा कऽ एहि सम्मानसँ लोक सभकेँ वंचित कय रहल अछि।

दुर्भाग्यक बात यह ई अछि कि समाचार माध्यम सभमे भाजपा आ एन डी ए केर बहुत नेतागण बहुत बेशर्मीसँ चुनाव आयोगक एहि असंवैधानिक काजक खुला समर्थन करि रहल अछि। चुनाव आयोग भाजपासँ मिलि कय कोना वोटर लिस्टमे गड़बड़ी कय रहल अछि, एकर अनुमान मात्र एहि बातसँ लगाओल जा सकैत अछि कि 2024 केर लोक सभा चुनावमे महाराष्ट्रमे अंतिम दौरक वोटिंग 20 मईकेँ भेल छल एवं विधान सभा चुनावक मतदान 2024 केँ 20 नवंबरकेँ भेल छल । केवल 7 महीनाक अंतरालमे महाराष्ट्रक वर्तमान मुखमंत्री देवेंद्र फ़र्नवीसकेँ विधान सभा क्षेत्रमे 29 हज़ार मतदाता बढ़ा देल गेल जाहिसँ हुनकि जीत पक्का भेल।

एतबहि नहि कर्नाटकमे सेहो लोक सभा चुनावमे भाजपा आ सहयोगी दलक उम्मिदवार हर विधान सभामे हारैत छथि, परंतु एकहि विधान सभामे एतेक वोट बना लैत छथि कि लोक सभा जीत जाइत छथि। एतबहि नहिं सुप्रीम कोर्टमे जेना भारतीय चुनाव आयोग अपन स्टैंड बदलि रहल अछि ताहिसँ ओकर स्थिति आर हास्यास्पद भऽ गेल अछि। कखनो आधार कार्डकेँ मान्यता दैत छथि, कखनो ओकरा अस्वीकार करैत छथि, कखनो राशन कार्डकेँ मान्यता दैत छथि, कखनो अस्वीकार करैत छथि, कखनो वोटर आईडीकेँ मान्यता दैत छथि त’ कखनो ओकरो अस्वीकार कय दैत छथि आ विधान सभा चुनावसँ ठीक 2-3 महिना पहिने बिहारमे एस आई आर कियैक ? राहुल गांधी, तेजस्वी यादव आ गठबंधनक सभ नेता भाजपा आ चुनाव आयोगकेँ एहि वोट चोरीसँ प्रदेशक जनताकेँ अवगत कराबय आ हुनकर अधिकारक लेल ई यात्रा कयल जा रहल अछि।

डॉ शकील अहमद कहला जे नेता प्रतिपक्ष राहुल गांधी मिथिलाक पवन भूमि मधुबनी जिलामे 26 अगस्तकेँ सुपौल बाटे भुतहा चौकसँ प्रवेश कय फुलपरासमे सभा करताह आ खोपा होइत मोहना राजे टोल टैक्ससँ सरिसोपाही, मनीगाछीमे सेहो लोकसँ भेट करताह, संगहि सकरीमे लोकसँ मिलैत दरभंगा जिलाक जीवछ घाटमे रातिमे विश्राम करताह।

“आइ राहुल गांधी देशक गरीब, मजदूर, बेरोजगार, शिक्षित युवा, महिला आ छात्रक संग-संग दलित, आदिवासी, अतिपिछड़ा, पिछड़ा, अल्पसंख्यकक अधिकारक लेल लड़ाई लड़ि रहल छथि, कारण मोदी सरकार आ चुनाव आयोगक मिलीभगतसँ लोकक अधिकारकेँ छीनल जा रहल अछि। आइ संविधानपर खतरा आबि गेल अछि, तें मधुबनीक लोककेँ एहि वोटर अधिकार यात्रामे बढ़ि चढ़ि कऽ भाग लेबाक चाही”, इहो बात जारी प्रेस विज्ञप्तिक माध्यमसँ कहल गेल अछि।

कार्यक्रममे बेनीपट्टीक पूर्व विधायक भावना झा, जिलाध्यक्ष सुबोध मंडल , पूर्व जिलाध्यक्ष प्रो शीतलांबर झा , दीपक सिंह , रामएकबाल पासवान , मो शब्बीर , इम्तियाज नूरानी , पूर्व जिला परिषद अध्यक्ष सतीश चंद्र मिश्रा , कृष्ण कांत झा गुड्डू, डॉ विनोद सिंह , मो रहन , मो अनायतुल्लाह खान मुन्ना , अनुरंजन सिंह, आभा पांडेय , पवन कुमार यादव, आलोक कुमार झा , बिमल चौधरी , विमल यादव , सत्येंद्र पासवान , अजय राय , कौशल किशोर चौधरी , मो शकील , मो साबिर , अकील अंजुम , अविनाश झा, शिवचंद्र झा, सुल्तान अहमद शमसी, सुरेन्द्र महतो , अमन झा , नसरूल्लाह , मुनींद्र झा आदि सैकड़ो कांग्रेसक कार्यकर्ता उपस्थित छलथि।