‘मिथिला समाज गोवा’ मनेलक अपन १४म वार्षिकोत्सव

गोवा समदिया
*

मिथिला समाज गोवा अपन 14म वार्षिकोत्सव 9 अगस्त 25 केँ रबिन्द्र भवन वास्को गोवामे धूमधामसँ मनेलक।

कार्यक्रमक शुभारम्भ अतिथि सभक द्वारा दीप प्रज्वलित कय कयल गेल। एहि अवसर पर अथिति सबकेँ मिथिलाक पाग आ दोपटासँ सम्मानित कयल गेल। मुख्य अतिथि विधायक दाजी सालकरकेँ समाजक संरक्षक सतीश चंद्र ठाकुर, विशिष्ट अतिथि संतोष कुमार झा चेयरमैन कोंकन रेलवेकेँ समाजक अध्यक्ष शैलेन्द्र मिश्र एवं ललिता लता झा वाईस चांसलर पारुल यूनिवर्सिटीकेँ समाजक उपाध्यक्ष कन्हैया प्रसाद सिँह सम्मानित कयलनि।

एहि अवसर पर मिथिला समाज गोवा अपन वार्षिक स्मारिका मिथिला गोवा दर्पणक विमोचन कयलक । समस्त मैथिल रचनाकारकेँ समाज धन्यवाद देलक।

कार्यक्रममे मिथिला क्षेत्रक प्रसिद्ध सांस्कृतिक टीम म्यूजिकल भाईलोगक प्रस्तुति सबकेँ भावबिभोर कऽ देलक। समाजक कार्यकारिणीक सब समांग एहि अवसर उपस्थित भऽ कऽ आयल सब अतिथिक स्वागतमे तत्पर छलथि।

रंगारंग कार्यक्रमक उपरांत मिथिला पारम्परिक भोजक आयोजन छल जकर आनंदमे समस्त मैथिल परिवार शामिल भेलथि।