चर्चित चंदन मिश्र हत्याकांडमे पुलिस केर पैघ सफलता भेटल अछि। कोलकाताक आनंदपुरक एकटा गेस्टहाउससँ चंदन मिश्र हत्या केसमे पैघ सफलता, मुख्य आरोपी तौशिफ कोलकातासँ गिरफ्तार।
चर्चित चंदन मिश्र हत्याकांडमे पुलिसकेँ बड़का सफलता भेटल अछि. कोलकाता केर आनंदपुरक एकटा गेस्टहाउससँ मुख्य आरोपी तौशिफ उर्फ बादशाह सहित कुल चारि संदिग्धकेँ हिरासतमे लेल गेल अछि।
जानकारीक अनुसार सब गोटेकेँ कोलकाता पुलिस मुख्यालय लालबाजार लऽ गेल गेल अछि, जतय ओकरा सबसं गहन पूछताछ भऽ रहल अछि। मुदा एखनि धरि इ साफ नहि भऽ सकल अछि जे सबटा आरोपी पटनाक घटनासँ सीधा जुड़ल अछि वा नहि।
बताबी जे 17 जुलाईकेँ पटनाक शास्त्री नगर थाना क्षेत्रमे स्थित पारस अस्पतालमे चंदन कुमार मिश्रकेँ गोली मारल गेल छल, जाहि कारण ओकर मौत भऽ गेल। एहि सनसनीखेज घटनाक बाद पुलिस मामिला दर्ज कए जांच शुरू कयलक।
पटना पुलिस द्वारा तकनीकी सबूत, सीसीटीवी फुटेज, इनपुट आ अन्य पहलुकेँ गहन जांच कयल गेल। एहि क्रममे कोलकाता पुलिस आ एसटीएफ केर मददिसँ कोलकातामे छापा मारल गेल आ मुख्य आरोपी तौशिफ उर्फ बादशाहकेँ हिरासतमे लेल गेल। संगहि निशु खान आओर एकटा आओर व्यक्तिकेँ सेहो गिरफ्तार कएल गेल अछि।
प्रारंभिक जांचमे पता चलल अछि जे हत्या केर साजिश निशु खान केर आवास पर रचल गेल छल आ ई अपराध मुख्य रूपसँ तौशिफ कयने छल. आब पुलिस दोसर संदिग्धसँ सेहो पूछताछ कऽ रहल अछि आओर एहि मामलासँ जुड़ल हर पहलूक गहन जांच भ रहल अछि।
बिहार पुलिसक कहनाय अछि जे पटना पुलिस सभ आरोपीकेँ कानून केर उचित प्रक्रिया केर तहत पटना लाबय केर तैयारीमे अछि। एहि समस्त मामलामे कोलकाता पुलिस आ एसटीएफ केर सहयोग अत्यंत सराहनीय रहल। कोलकाता पुलिस द्वारा एकटा विशेष टीम बनाओल गेल, जे लगातार पटना पुलिसकेँ सब आवश्यक सहयोग दैत छल।
बता दी जे बिहार केर कुख्यात अपराधी चंदन मिश्र जेलमे छल, मुदा ओकर स्वास्थ्य खराब भेला केर बाद ओकरा पारस अस्पतालमे भर्ती कराओल गेल, जतय ओकर इलाज भऽ रहल छल. एम्हर अपराधी चंदन मिश्रकेँ गोली मारि क हत्या कऽ देलक।
