बिहारमे बढ़ैत अपराधक लेल आइ-काल्हि राजनीतिक हंगामा भऽ रहल अछि। जखनि कि विपक्ष सरकार पर हमला कय रहल अछि तॅं सत्ताधारी दलक लोकक कहनाय अछि जे एहि चुनावी सालमे सरकारकेँ बदनाम करय केर साजिश अछि।
बिहारमे विपक्षी नेता तेजस्वी यादव शनिदिन आपराधिक घटनाक संबंधमे एकटा पोस्ट करैत कहलनि जे भाजपा बिहार केर तालिबान बना देलक। आब रविदिन केंद्रीय मंत्री जीतन राम मांझी एहि पर जवाब देलनि। ओ कहलनि जे तेजस्वी यादवकें ई बात पता छनि आ एहिमे पलल-बढ़ल छथि, ताहि लेल ओ एहेन बयान दैत छथि।
जीतन राम मांझी कहलनि जे, “बिहारमे जे किछु घटना घटित होइत अछि, ओहि पर तत्काल कार्यवाही कयल जाइत अछि। पिछला 4 महीनासॅं इ घटना लगातार किएक भऽ रहल अछि ? कियाक तॅं चुनाव भऽ रहल अछि। एकर पाछु एकटा राजनीतिक कारण अछि। ओ सब एहेन बयान दऽ कय बिहारक जनताकें भ्रमित करय चाहैत छथि, मुदा बिहारक जनता गुमराह नहि होबएवाला अछि। जनता हुनका सबकेँ बुझैत अछि आ आगू पुनः एनडीए सरकार बनत।
असलमे तेजस्वी यादव पहिने पोस्ट कएने छलाह। ओहिमे लिखल छलाह, भाजपा बिहारकेँ तालिबान बना देलक अछि!
