अमेरिकी राष्ट्रपति डोनाल्ड ट्रंप कहलनि कि ओ यूक्रेनमे ‘पैट्रियट एयर डिफेंस सिस्टम’ भेजताह। हुनक सरकार रूसक राष्ट्रपति व्लादिमीर पुतिन केर यूक्रेनक संग युद्ध खतम करयसँ मना करय पर नाराज नजर आबि रहल अछि।
अमेरिकी राष्ट्रपति रविकेँ मैरीलैंड केरौ जॉइंट बेस एंड्रयूजमे पत्रकारसँ कहलनि कि हम पैट्रियट्स केर यूक्रेन भेजब, जकर ओकरा बहुत जरूरत अछि। पुतिन सचमुच बहुत लोककेँ आश्चर्यचकित कय देलनि। दिनमे नीक नीक बात कहैत अछि आ ओकर बाद रातिमे बमबारी करैत अछि। हमरा एही बातसँ दिक्कत अछि। हमरा ई बात पसंद नहि अछि।
ट्रंप कहलनि कि ई एखनि तय नहि कयल गेल अछि कि यूक्रेनमे कतेक ‘पैट्रियट एयर डिफेंस सिस्टम’ भेजल जायत। ट्रंप कहलनि कि एखन धरि ई तय नहि भऽ सकल अछि। मुदा किछु भेजल जायत, कारण हुनका सुरक्षा केर जरूरत अछि।
डोनाल्ड ट्रंप पिछला सप्ताह यूरोपमे नाटो केर सहयोगी देशकेँ हथियार बेचय केर फैसला कयलनि ताकि ओ ओकरा कीवके सौंपि सकय। अमेरिकी राष्ट्रपतिक कहब अछि कि ई वायु रक्षा प्रणाली नाटो द्वारा यूक्रेन भेजल जाय वाlला हथियारक हिस्सा होयत, जकरा लेल नाटो अमेरिकाकेँ पैसा देत।
