सुप्रीम कोर्ट सोमदिन दिल्ली हाईकोर्ट द्वारा फिल्म ‘उदयपुर फाइल्स’ केर रिलीज पर रोक लगाबय वला याचिका पर सुनवाई करय वला अछि। फिल्म निर्माता फिल्म केर रिलीज पर रोक लगाबय केर हाईकोर्टक आदेशके रद्द करय केर मांग सुप्रीम कोर्टमे पेश कयलनि। सुप्रीम कोर्ट एहि मामिलाक सुनवाई करबा लेल तैयार भऽ गेल अछि।
फिल्म निर्माता दिल्ली हाईकोर्टक फैसला केर चुनौती दैत याचिका दायर कयलनि जे ‘उदयपुर फाइल्स’ केर रिलीज पर रोक लगा देने छल। फिल्म निर्माता दिसिसँ पेश वकील याचिका पर सुनवाई केर मांग कयलनि। सुप्रीम कोर्ट फिल्म ‘उदयपुर फाइल्स : कन्हैया लाल टेलर मर्डर’ केर रिलीज पर रोकक चुनौती देबय वला याचिका पर सुनवाई करय पर सहमत भऽ गेल अछि।
मीडियासँ बात करैत निर्माता अमित जानी केर वकील पुलकित अग्रवाल कहलनि जे हम हाईकोर्टक रिलीज पर रोक लगेबाक आदेशकेँ निरस्त करबाक मांग कयलहुँ अछि। हम सब सुप्रीम कोर्टसँ अपील कयलहुँ अछि जे फिल्मक रिलीजक अनुमति देल जाए। निर्माताक दिसिसँ वरिष्ठ अधिवक्ता गौरव भाटिया एहि मामिलाकेँ उठेलनि अछि। कोर्ट मौखिक रूपसँ कहलक जे एहि मामिलकेँ 2-3 दिनमे सूचीबद्ध कयल जाएत।
ओ आगू कहलनि, “हमर याचिकामे कहल गेल अछि कि फिल्म पर प्रतिबंध हटा एकरा रिलीज करय केर अनुमति देल जाय। हम हाईकोर्ट केर आदेशक सम्मान करैत छी, मुदा हम अनुच्छेद १३६ केर तहत कोर्टक फैसलाकेँ चुनौती देने छी।”
फिल्म ‘उदयपुर फाइल्स’ राजस्थानक उदयपुर शहरमे भेल कन्हैया लाल हत्याकांड पर आधारित अछि। कन्हैया लाल उदयपुरमे दर्जीक काज करैत छलाह। 28 जून 2022 कें मोहम्मद रियाज अट्टरी आ गौस मोहम्मद नामक दूटा युवक कन्हैया लालक गर्दनि काटि देलक। दुनू गोटे एहि हत्याक वीडियो बनाकेँ वायरल सेहो कयलक।
फिल्म 11 जुलाईकेँ रिलीज होबय वला छल, मुदा ओहिसँ एक दिन पहिने 10 जुलाईकें दिल्ली हाईकोर्ट ‘उदयपुर फाइल्स’ केर रिलीज पर अस्थायी तौर पर रोक लगा देलक। हाईकोर्ट केंद्र सरकारक सिनेमा अधिनियमक धारा 6 केर तहत फिल्मक समीक्षा करबाक आदेश देने छल। ई फैसला तीनटा याचिका पर देल गेल, जाहिमे जमीयत उलामा-ए-हिंद केर अध्यक्ष मौलाना अरशद मदनी केर याचिका सेहो शामिल अछि।
