मुख्यमंत्री नीतीश कुमारक अध्यक्षतामे काल्हि मंगलदिन भोर साढ़े दस बजेसँ शुरू भेल मंत्रिमंडलक बैसार करीब एक घंटा धरि चलल। बैसारमे 43टा प्रस्तावकेँ मंजूरी देल गेल। एहि दौरान बिहारक सब सरकारी सेवामे सभ स्तर पर सब तरहक पद पर सीधा नियुक्तिमे केवल राज्यक मूल निवासी महिला उम्मीदवारकेँ 35 प्रतिशत क्षैतिज आरक्षणक लाभ देबाक प्रस्तावकेँ मंजूरी देल गेल। अर्थात राज्यसँ बाहरक महिलाकेँ बिहारमे 35 प्रतिशत आरक्षणक लाभ नहि भेटत।
एहिमे बिहारक युवा लेल सेहो एकटा महत्वपूर्ण प्रस्ताव अछि। जाहि पर सीएम नीतीश कुमार अपन मंजूरी दऽ चुकल छथि। अर्थात आब बिहारमे युवा आयोग बनत। सीएम नीतीश स्वयं एकर घोषणा कयलनि। एकर अलावा सीएम नीतीश कुमार सामान्य प्रशासन विभाग केर एगो आओर महत्वपूर्ण प्रस्तावकेँ मंजूरी देलनि।
एकर अलावा समाज कल्याण विभागक मुख्यमंत्री दिव्यांजन सशक्तिकरण योजना संबलक तहत राज्य केर समान सिविल सेवा संवर्धन योजनाक तहत राज्य केर पिछड़ा वर्ग, आर्थिक रूपसँ कमजोर वर्ग आओर सामान्य श्रेणी केर पुरुष दिव्यांग उम्मीदवारकेँ कोनो तरहक आर्थिक सहायता नहिं देल जायत।
सरकार जनतब देलक जे प्रारंभिक परीक्षा लेल पचास हजार आओर मुख्य परीक्षा आ साक्षात्कारक तैयारी लेल दिव्यांगकेँ एक लाख टकाक राशि देबाक प्रस्तावकेँ मंजूरी भेटि गेल अछि।
