पटनाक गांधी मैदान थाना क्षेत्रक भीतर एग्जीबिशन रोड पर डायल 112 केर पुलिस टीम पर एकटा युवक द्वारा हमला भेल अछि। ई हमला ओहि समय भेल जखनि पुलिस एकटा घरेलू विवाद केर सुलझाबय लेल पहुँचल छल।
पारिवारिक विवादकेँ सुलझाबय गेल पुलिस पर ओ लोकनि द्वारा हमला कय देल गेल। बताओल जा रहल अछि जे पिता आ पुत्रक बीच किछु बात पर कहासुनी आ झगड़ा भऽ रहल छल। विवादक सूचना भेटितहि डायल 112 केर पुलिस टीम घटनास्थल पर पहुँचल छल। बताओल जा रहल अछि जे पुलिस बीच-बचाव आ बातचीत क’ रहल छल, ताहि समय अचानक पुत्र अपन आपा खो देलक आ पुलिस टीम पर हमला क’ देलक। प्रत्यक्षदर्शीक अनुसार, युवक पुलिसकर्मीकेँ धक्का देलक आ गाली-गलौज संग-संग हाथापाई करय लागल। पुलिस युवककेँ हिरासतमे लेलक अछि आ मामिलाक जाँच शुरू क’ देल गेल अछि।
